کار کے ذریعے صرف 5 دن میں 50 امریکی ریاستوں میں سفر کا نیا ریکارڈ قائم

ویب ڈیسک

18th Aug, 2022. 06:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کار کے ذریعے صرف 5 دن میں 50 امریکی ریاستوں میں سفر کا نیا ریکارڈ قائم

تین امریکی دوستوں نے صرف 5 دن میں کار کے ذریعے 50 امریکی ریاستوں میں سفر کا نیا ریکارڈ قائم کرلیا۔

غیر ملکی میڈیا رپورٹس کے مطابق آسٹن کے دو دوستوں پیٹرمک کونویل اور پاویل پاشا کروشیٹوف اور منی پولس کے عبد اللہ صلاح نے مل کر یہ سفر 5 دن، 13 گھنٹوں اور 10 منٹ میں طے کر کے گنیزبک آف ورلڈ ریکارڈ اپنے نام کرلیا ہے۔

تینوں دوستوں نے ورمونٹ سے یہ سفر شروع کیا تھا، تینوں افراد تھامس کینن اور جسٹن مورس کا ریکارڈ توڑنا چاہتے تھے جنہوں نے 5 روز 16 گھنٹوں اور 20 منٹ میں 50 امریکی ریاستوں کا دورہ کیا تھا۔

تینوں افراد نے کار کے ذریعے اپنا سفر مکمل کیا جبکہ ہوائی اور الاسکا ہوائی جہاز میں گئے کیونکہ وہاں سڑک سے جانا ممکن نہ تھا لیکن دونوں نے ہی 5 دن، 13 گھنٹوں اور 10 منٹ میں اپنا سفر مکمل کیا ہے۔

پیٹرمک کونویل کا کہنا ہے کہ یہ تجربہ الفاظ میں نہیں بتایا جاسکتا کیونکہ یہ بہت تھکا دینے والا سفر تھا اور راستے میں بہت کچھ دیکھنے کو ملا، تاہم ہم نے طلوعِ آفتاب کے خوبصورت مناظر ضرور دیکھے تھے۔

واضح رہے کہ تینوں دوستوں نے مسلسل تین ماہ تک اس طویل ترین سفر کی منصوبہ بندی کی تھی۔