اقتصادی رابطہ کمیٹی کے اجلاس میں860  امپورٹڈ آئٹم پر پابندی ختم کرنے کا فیصلہ کیا گیا ہے۔

تفصیلات کے مطابق وزیر خزانہ  مفتاح اسماعیل کی زیر صدارت ای سی سی کا اجلاس  منعقد ہوا جس میں فیصلہ کیا گیا ہے کہ حکومت کی جانب سے امپورٹڈ آئٹم پر پابندی ختم کردی جائے گی۔

اس حوالے سے وزارت تجارت نے بتایا کہ رواں سال 19 مئی کو 860 سے زائد مصنوعات پر مشتمل تقریباً 33 کیٹیگریز کی اشیا کی درآمد پر پابندی عائد کی گئی تھی جس سے سپلائی چین اور گھریلو خوردہ صنعت متاثر ہو رہی تھی۔

وزارت تجارت کا کہنا تھا کہ 860 آئٹیمز پر ڈالر پر پریشر کی وجہ سے پابندی لگائی گئی تھی، ایکسپسورٹنگ ممالک کی جانب سے اس پابندی پر اعتراض کیا گیا تھا۔

دوسری جانب وزارت توانائی کی سفارش پر ای سی سی نے نئے ایل این جی ٹرمینلز اور متعلقہ سہولیات کو تھرڈ پارٹی ایکسیس کے اطلاق سے خارج کرنے کی منظوری دی اور ایل این جی پالیسی 2011 کے آرٹیکل 6.2(a) میں ترمیم کی اجازت دی۔

اسکے علاوہ 30 جون تک روکی گئی امپورٹ آئٹم کی ریلیف سمیت یوٹیلٹی  اسٹورز کے لیے 3 لاکھ ٹن گندم کی برآمد کا بھی فیصلہ کرلیا گیا ہے۔

اس حوالے سے وزارت صنعت یوٹیلیٹی اسٹورز کارپوریشن  کی آئندہ سال کی ضروریات پر تفصیل پیش کریگی جس کے بعد  حکومت  گندم کی امپورٹ کا ٹھیکہ دے  گی۔

گندم کی برآمد کرنے کے لئے امپورٹر کو گندم کی امپورٹ پرائس دینا ہوگی جس کے بعد درآمد کی اجازت دی جائے گی۔