بالی ووڈ کی سابقہ اداکارہ ٹوئنکل کھنہ نے اپنے یوٹیوب چینل پر بات کرتے ہوئے بتایا کہ انہوں نے اپنی پہلی تنخواہ سے لڈو خریدے تھے۔

حال ہی میں بالی ووڈ کی سابقہ اداکارہ ٹوئنکل کھنہ نے اپنے یوٹیوب چینل پر بات کرتے ہوئے کہا کہ وہ زیادہ پیسے خرچ نہیں کرتیں بلکہ جمع کرتی ہیں۔

انہوں نے کہا کہ میں پیسے جمع ضرور کرتی ہوں لیکن بچوں کی تعلیم پر خرچہ کرتی ہوں اور میں نے خود بھی ماسٹرز میں داخلہ لیا ہوا ہے۔

ٹوئنکل کھنہ نے کہا کہ میں بچوں کے اخراجات پورے کرتی ہوں اور میں چاہتی ہوں کہ میرے بچے بڑے ہو کر کہیں کہ ہماری امی نے صرف آلو کے پراٹھے نہیں کھلائے بلکہ تعلیم کے پیسے بھی دیے ہیں۔

اداکارہ نے کہا کہ جب میں 17 سال کی تھی تو مجھے پہلی تنخواہ ملی تھی جس سے میں نے لڈو خریدے تھے اور دوسری تنخواہ سے گاڑی خریدی تھی۔

اس سے قبل بالی ووڈ کی سابقہ اداکارہ ٹوئنکل کھنہ نے شاہ رخ خان کے مشہور گانے کی دھن بجائی تھی جس کی ویڈیو سوشل میڈیا پر وائرل ہوگئی تھی۔

اداکارہ نے فوٹو اینڈ ویڈیو شیئرنگ ایپ انسٹاگرام پر اپنی ایک ویڈیو شیئر کی تھی جسے سوشل میڈیا پر مداحوں کی جانب سے بہت پسند کیا جارہا تھا۔

اُنہوں نے گِٹار بجانے کی پریکٹس کرنے کے لیے شاہ رخ خان کے ایک مشہور گانے جادو تیری نظر کا انتخاب کیا تھا۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Twinkle Khanna (@twinklerkhanna)

Advertisement

ٹوئنکل کھنہ نے ویڈیو شیئر کرتے ہوئے لکھا تھا کہ زندگی میں کسی بھی عمر میں کوئی بھی نیا ہنر سیکھا جاسکتا ہے، میں نے فیصلہ کیا ہے کہ گِٹار بجانا سیکھوں۔

 اداکارہ نے یہ امید بھی ظاہر کی کہ وہ ایک دن ضرور اچھا گِٹار بجانا سیکھ جائیں گی۔

اداکارہ ٹوئنکل کی اس پوسٹ کو انسٹاگرام پر  1 لاکھ سے زائد لوگ دیکھ چکے تھے جبکہ مداحوں کی جانب سے گِٹار سیکھنے کے فیصلے پر ان کی حوصلہ افزائی بھی کی جا رہی تھی۔