فارن فنڈنگ کیس، الیکشن کمیشن نے پی ٹی آئی سے 6 ستمبر تک جواب طلب کر لیا

عقیل احمد

23rd Aug, 2022. 11:44 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فارن فنڈنگ کیس، الیکشن کمیشن نے پی ٹی آئی سے 6 ستمبر تک جواب طلب کر لیا

فارن فنڈنگ ضبط کرنے کے کیس میں الیکشن کمیشن نے پی ٹی آئی سے 6 ستمبر تک جواب طلب کر لیا ہے۔

تفصیلات کے مطابق الیکشن کمیشن میں پی ٹی آئی ممنوعہ فنڈنگ ضبط کرنے کے کیس کی سماعت آج ہوئی جس میں تحریک انصاف کے وکیل شاہ خاور پیش نہیں ہوئے جبکہ معاون وکیل نے بتایا کہ انور منصور سپریم کورٹ میں مصروف ہیں۔

سماعت کے دوران پی ٹی آئی معاون وکیل کی جانب سے متعلقہ دستاویزات جمع کرانے اور جواب کیلئے وقت مانگ لیا گیا ہے۔

اس موقع پر چیف الیکشن کمشنر نے کہا کہ ساری دستاویزات تو پی ٹی آئی کیس میں دے چکی تھی جس پر جواب دیتے ہوئے وکیل نے کہا کہ پی ٹی آئی فارن چیپٹر سے بھی دستاویزات منگوانی ہیں اور جس قسم کا آرڈر آیا ہے بہت سی چیزوں کی تفصیل بتانی ہے۔

اس موقع پر پی ٹی آئی نے فنڈز ضبط ہونے کے نوٹس پر چار ہفتے کا وقت مانگ لیا جس پر اعتراضات اٹھاتے ہوئے چیف الیکشن کمشنر نے کہا کہ ایک ہفتے سے زیادہ کا وقت نہیں دے سکتے۔

بعدازاں الیکشن کمیشن نے پی ٹی آئی سے 6 ستمبر تک جواب طلب کر لیا ہے۔