'وفاقی حکومت نااہلی کے تمام ریکارڈ توڑ چکی ہے'

‘وفاقی حکومت نااہلی کے تمام ریکارڈ توڑ چکی ہے’

سید خاور عباس ہاشمی

25th Aug, 2022. 11:15 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

‘وفاقی حکومت نااہلی کے تمام ریکارڈ توڑ چکی ہے’

سابق گورنر پنجاب عمر سرفراز چیمہ نے کہا ہے کہ وفاقی حکومت نااہلی کے تمام ریکارڈ توڑ چکی ہے۔

اپنے جاری کردہ بیان میں سابق گورنر پنجاب عمر سرفراز چیمہ نے لکھا کہ وفاقی حکومت کی جانب سے مہنگائی اور بجلی بل کی اوور بلنگ پر عوام روز سڑکوں پر احتجاج کر رہے ہیں۔

انہوں نے کہا کہ وفاقی حکومت نااہلی، نالائقیی ،بد نیتی اور چوری کےتمام ریکارڈ توڑ چکی ہے، شریف زرداری گینگ کی نالائقی ، نا اہلی اور چوری کی سزا غریب عوام بھگت رہی ہے ۔

عمر سرفراز چیمہ کا کہنا تھا کہ بجلی کے بلوں میں فیول ایڈجسٹمنٹ کے نام پر ڈاکہ ڈالا گیا ،صفر یونٹ پر ہزاروں کے بل آچکے ہیں، نالائق شہباز زرداری نے 12 سو میگا واٹ بجلی سسٹم میں شامل ہونے کے باوجود اس سال جولائی میں 10 فیصد کم بجلی پیدا کی۔

انہوں نے کہا کہ کنزیومر پرائس انڈیکس پی ٹی آئی کے دور میں 12 فیصد تھا جو اب ساڑھے چوبیس فیصد پر پہنچ چکا ہے جبکہ سنسیٹو پرائس انڈیکس 17 فیصد سے 42 فیصد تک پہنچ گیا ہے۔

سابق گورنر پنجاب کا مزید کہنا تھا کہ نالائق ٹیم نے مہنگا تیل دگنی مقدار میں خریدا جس سے قومی خزانے کو نقصان اور عوام کو مہنگائی کا بوجھ اٹھانا پڑ رہا ہے۔