پاک بحریہ کا سندھ کے سیلاب سے متاثرہ علاقوں میں ریلیف اینڈ ریسکیو آپریشن جاری

صدیق ساجد

27th Aug, 2022. 09:28 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک بحریہ کا سندھ کے سیلاب سے متاثرہ علاقوں میں ریلیف اینڈ ریسکیو آپریشن جاری

پاک بحریہ کا سندھ کے سیلاب سے متاثرہ علاقوں میں ریلیف اینڈ ریسکیو آپریشن جاری ہے۔

ترجمان پاک بحریہ کا کہنا ہے کہ گھارو، جاتی، کنڈیارو، سجاول، چوہڑ جمالی، میر پور خاص، ٹھٹھہ، بدین، دادو اور قمبر سمیت سندھ کے دیگر علاقوں میں پاک بحریہ کی ریلیف اینڈ ریسکیو ٹیمیں مصروف عمل ہیں۔

ترجمان پاک بحریہ نے بتایا کہ پاک بحریہ کی غوطہ خور ٹیمیں سیلابی پانی میں پھنسے افراد کو کشتیوں کی مدد سے محفوظ مقامات پر منتقل کر رہی ہیں۔

پاک بحریہ کے ترجمان کا کہنا تھا کہ پاک بحریہ سیلاب متاثرہ علاقوں میں نکاسی آب کے لیے بھی آپریشن کر رہی ہے۔

ترجمان پاک بحریہ نے کا کہنا ہے کہ سیلاب زدگان کو مفت طبی سہولیات اور ادویات کی فراہمی کے لئے مختلف علاقوں میں پاک بحریہ کے میڈیکل کیمپ بھی قائم کیے گئے ہیں۔

ترجمان پاک بحریہ نے بتایا کہ کمانڈر کوسٹ رئیر ایڈمرل جاوید اقبال نے پاک بحریہ کی امدادی سرگرمیوں کا جائزہ لینے کے لئےمتاثرہ علاقوں کا فضائی و زمینی دورہ بھی کیا۔

پاک بحریہ کے ترجمان کا مزید کہنا تھا کہ پاک بحریہ کا ریلیف آپریشن مصیبت میں گھرے ہم وطنوں کی ہر ممکن امداد کے عزم کا عملی مظہر ہے۔

یہ بھی پڑھیں: ملک بھر میں بارشوں اور سیلاب سے تباہی، 937 افراد جاں بحق، لاکھوں مکانات بہہ گئے