سیاسی اختلافات بھلا کر سیلاب سے متاثرہ افراد کی مدد کرنے کا وقت ہے، آغا سراج

ویب ڈیسک

29th Aug, 2022. 04:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سیاسی اختلافات بھلا کر سیلاب سے متاثرہ افراد کی مدد کرنے کا وقت ہے، آغا سراج

قائم قام گورنر سندھ آغا سراج درانی نے کہا ہے کہ سیاسی اختلافات بھلا کر سیلاب سے متاثرہ افراد کی مدد کرنے کا وقت ہے۔

تفصیلات کے مطابق گڑھی یاسین میں درانی رائس ملز میں 100 متاثرین سیلاب کے لئے قائم ٹینٹ سٹی کا افتتاح کیا گیا۔

میڈیا سے بات چیت کرتے ہوئے قائم قام گورنر سندھ آغا سراج درانی نے کہا کہ اس سیلاب سے صوبے میں سب کچھ تباھ ہوچکا ہے، رنگ و نسل سے بالا تر اور سیاسی اختلافات کو بالائے طاق رکھ کر متاثرین کی مدد کی جائے۔

انہوں نے کہا کہ 2012کے بعد تیسری آفت نے ہمیں مشکل میں ڈال دیا ہے، شہر کے شہر پانی میں ڈوب چکے ہیں دوستوں کے تعاون سے عوام کو بچانا چاہتے ہیں۔

آغا سراج درانی کا کہنا تھا کہ بلاول بھٹو زرداری کی ہدایت پر متاثرین میں گندم کی بوریاں تقسیم کررہے ہیں جبکہ وزیر اعلیٰ سندھ سید مراد علی شاہ صوبے کے کونے کونے کا دورہ کر رہے ہیں۔

انہوں نے مزید کہا کہ چیئرمین بلاول بھٹو زرداری نے تمام اراکین پارلیمنٹ کو اپنے علاقوں میں جانے کی ہدایت کی ہے۔

یہ بھی پڑھیں: ملک بھر میں سیلاب کی تباہ کاریاں؛ اموات کی تعداد 1061 تک جا پہنچی