لاہورجا کرپسند کی شادی کرنے والی لڑکی کے مبینہ اغوا کے کیس میں ملزمان کی عبوری ضمانت مسترد کر دی گئی۔ 

سٹی کورٹ کراچی میں پسند کی شادی اورمبینہ اغوا سے متعلق کیس کی سماعت ہوئی۔

عدالت نے عبوری ضمانت مسترد کرتے ہوئے ملزمان کو حراست میں لینے کا حکم دیا۔

عدالت نے مدعی مقدمہ کی میڈیکل معائنے کی درخواست منظور کرلی۔

ایڈیشنل ڈسٹرکٹ اینڈ سیشن کورٹ شرقی میں گذشہ روزلاہورجا کر پسند کی شادی کرنے والی لڑکی کے مبینہ اغوا کے کیس میں ملزمان کی ضمانت اور میڈیکو لیگل معائنے سے متعلق درخواست پر سماعت مکمل ہوئی۔

عدالت نے فریقین کے دلائل مکمل ہونے پر فیصلہ محفوظ کیا۔

کیس میں نامزد مرکزی ملزمان ظہیر اور شبیر عدالت میں پیش ہوئے۔ عدالت نے مقدمہ کا چالان منظورکیا اورچالان سے زیادتی کی دفعہ خارج کردی۔

عدالت نے ریمارکس دیے تھے کہ  ذیادتی کی دفعہ نکاح کے ہوتے ہوئے کیسے شامل کی گی۔

ماتحت عدالت کا فیصلہ کالعدم قرار

دوسری جانب سندھ ہائی کورٹ نے گیارہ سالہ بچی سے ذیادتی کے الزام میں سزائے موت کے ملزم کی اپیل منظور کرتے ہوئے ماتحت عدالت کا فیصلہ کالعدم قراردے دیا۔

ماتحت عدالت نے ملزم کو زیادتی کے الزام میں  سزائے موت سنائی تھی۔

پولیس کا کہنا ہے کہ ملزم ولی محمد نے فروری 2018میں سرجانی کے علاقے میں گیارہ سالہ بچی سے زیادتی کی تھی۔