کوہستان کے سیلاب میں ڈوبنے والے 5 دوستوں میں سے معجزانہ طور پر بچ جانے والے ایک لڑکے نے حادثے سے متعلق نئے انکشافات کیے ہیں۔

حال ہی میں سوشل میڈیا پر ایک تصویر خوب وائرل ہوئی تھی جس میں 5 دوست ایک پتھر پر کھڑے سیلاب سے نکلنے کیلئے مدد کا انتظار کر رہے تھے، پر کوئی انہیں بچانے نہ آیا اور وہ اس دنیا سے چلے گئے۔

لیکن اس ہی حادثے میں 5 دوستوں میں سے ایک دوست جس کا نام عبید اللہ ہے وہ معجزانہ طور پر زندہ بچ گیا۔

عبید اللہ کا کہنا ہے کہ ہم معمول کے مطابق اپنا کام کر رہے تھے لیکن اچانک سے وہاں سیلاب آیا تو محفوظ مقام پر منتقل ہونا چاہا مگر پانی کے تیز بہاؤ کی وجہ سے ہم پتھر تک ہی محدود ہو کر رہ گئے۔

انہوں نے بتایا کہ ہم نے وہاں 5 گھنٹے مدد کے انتظار میں گزارے، ہمارے رشتے داروں، علاقہ مکینوں نے ضلعی انتظامیہ اور صوبائی حکوموتوں سے مدد کی اپیل بھی کی پھر بھی کوئی ہماری مدد کرنے کے لئے نہیں آیا۔

ان کا کہنا تھا کہ میرے پاس تو ابھی تک کوئی پوچھنے بھی نہیں آیا کہ ڈوب جانے والے لوگ کون تھے؟ اگر مالی نقصان کی بات کی جائے تو ہماری گاڑیاں سب کی سب پہلے ہی ڈوب چکی تھیں سیلاب میں۔

عبید اللہ نے مزید کہا کہ ہم اس صورتحال میں بہت پریشان ہو گئے تھے اور وہ چاہتے تھے کہ رسیوں کے سہارے نکل جائیں مگر ایسا نہ ممکن نہ تھا اور جب ہمیں سیلابی پانی بہا لے جا رہا تھا تو میں بھی انہیں رسیوں کی مدد سے باہر آیا اور تو اور ہم سب دوست یہی سوچتے رہے کہ کوئی تو ہمیں بچانے آئے گا۔