سابق کپتان انضمام الحق کی ایک ویڈیو وائرل ہورہی ہے جس میں انہوں نے ہربھجن سنگھ کے اسلام قبول کرنے کی خواہش کا انکشاف کیا ہے۔

مائیکرو بلاگنگ سائٹ پر پاکستان کرکٹ ٹیم کے سابق کپتان و چیف سیلکٹر انضمام الحق کی ایک ویڈیو وائرل ہورہی ہے جس میں انہوں نے بھارت کے دورہ پاکستان کے حوالے سے بات کی ہے۔

"Harbhajan Singh almost converted to Islam under influence of Pak Mullah Tariq Jameel"

– Ex Pak Captain Inzamam ul Haq

Advertisement

Harbhajan neither denied these claims nor criticised Inzamam ever for this.pic.twitter.com/TlpEndnU6n

— Pakistan Untold (@pakistan_untold) September 3, 2022

ویڈیو میں گفتگو کرتے ہوئے انضمام الحق کا کہنا تھا کہ ’نامور مبلغ اسلام مولانا طارق جمیل صاحب ہر روز ہمارے پاس آتے تھے اور ہم نے ایک کمرہ بنارکھا تھا جس میں ہم نماز پڑھا کرتے تھے‘۔

انضمام الحق کہتے ہیں مولانا طارق جمیل صاحب مغرب کی نماز ہمیں پڑھایا کرتے تھے اور بعد از نماز تھوڑی دیر ہم سے بات کیا کرتے تھے۔

انہوں نے کہا کہ بھارتی ٹیم کے مسلمان کھلاڑی عرفان پٹھان، ظہیر خان اور محمد کیف کو ہم ساتھ نماز پڑھنے کی دعوت دیا کرتے تھے جن کے ساتھ دو چار بھارتی کھلاڑی بھی آجایا کرتے تھے جو نماز تو نہیں پڑھتے تھے لیکن ہمیں بیٹھ کر دیکھا کرتے تھے اور مولانا کی بات سنتے تھے۔

ان کا کہنا تھا کہ ’ایک دن مولانا طارق جمیل صاحب کو مخاطب کرتے ہوئے ہربھجن سنگھ نے مجھ سے کہا کہ یہ جو آدمی ہے نا، میرا دل کرتا ہے میں ان کی بات مان لوں‘۔

سابق چیف سلیکٹر کہتے ہیں کہ ہربھجن کو یہ تو نہیں معلوم تھا کہ مولانا کون ہیں لیکن ہربھجن کو ان کی باتیں ماننے کو دل کرتا تھا جس پر میں نے ان سے کہا کہ پھر مان لوں کیا مشکل ہے لیکن انہوں نے جواب کیا تمھیں دیکھ کر رک جاتا ہوں۔

انہوں نے مزید کہا کہ ’بعد ازاں میں نے ان سے سوال کیا کہ بھئی مجھے دیکھ کر کیوں رک جاتے ہوں؟ تو کہنے لگے کیونکہ تمھاری زندگی ایسی نہیں ہے‘۔