عدالت نے سندھ کےسیلاب متاثرین کی امداد اورریلیف کے کاموں سے متعلق درخواست پراے جی سندھ سے تحریری جواب طلب کر لیا۔

دس دن میں تحریری جواب طلب کرتے ہوئے کیس کی مذید سماعت دو ہفتوں کے لیے ملتوی کردی۔

سندھ ہائیکورٹ میں صوبہ سندھ کے سیلاب متاثرین کی امداد اور ریلیف کے کاموں سے متعلق درخواست پر سماعت ہوئی۔

عدالت نے درخواست پرایڈووکیٹ جنرل سندھ سے دس دن میں تحریری جواب طلب کرتے ہوئے کیس کی مذید سماعت دو ہفتوں کے لیے ملتوی کردی۔

سرکاری وکیل نے کہا کہ تمام امدادی کارروائی ججزکی نگرانی میں ہو رہی ہیں۔ درخواست غیرمؤثرہوچکی ہے۔

درخواست گزار شاہد سومرونے عدالت کو بتایا کہ سیلاب کے وجہ سے لاکھوں لوگ بے گھر ہوگئے ہیں۔ بے گھر لوگوں کیلئے ٹینٹ سٹی قائم کی جائیں۔

سرکواری وکیل نے جواب دیا کہ حیدرآباد میں ٹینٹ سٹی بنا دیا گیا ہے وہاں پرمتاثرین کو رکھا گیا ہے۔

درخواست گزار نے کہا کہ حیدرآباد ایک ٹینٹ سٹی قائم کیا گیا ہے جبکہ سیلاب متاثرین کی تعداد لاکھوں میں ہے۔

چیف جسٹس سندھ ہائی کورٹ نے کہا کہ کراچی میں بھی متاثرین کیلئے کیمپ بنائے گیے ہیں۔

درخواست گزار نے کہا کہ کراچی میں کیمپ بنائے گئے ہیں وہ متاثرین کو مشکلات کا سامنا ہے۔

ایڈووکیٹ شاہد سومرو نے کہا کہ ان متاثرین کیلئے کراچی سمیت دیگر شہروں میں ٹینٹ سٹی قائم کیے جائیں۔ حکومتی فنڈ جاری ہونے کے بعد ابھی تک متاثرین کو نہیں مل سکے۔ ہر اضلاع میں ایک سیل قائم کیا جائے۔

درخواست گزارنے مؤقف اپنایا کہ ڈسٹرک سطع پرجج کی نگرانی فنڈ تقسیم اورمتاثرین کی بحالی کی جائے۔ متعدد شہری جاں بحق ہوئے۔ لوگوں کے گھرتباہ ہوگئے۔ بارش کے باعث فصل تباہ ہوگئی۔