انٹر بینک میں ڈالر کی اونچی اڑان جاری ہے اور ایک امریکی ڈالر 229 روپے 82 پیسے کا ہوگیا ہے۔ 

تفصیلات کے مطابق کاروباری ہفتے کے پہلے روز پاکستانی روپے کی قدر میں اتار چڑھاؤ جاری رہا تاہم دن کے اختتام پر امریکی ڈالر کی قدر میں اضافہ ریکارڈ کیا گیا۔

انٹر بینک میں ڈالر 1.64 روپے مہنگا ہوا جس سے ایک امریکی ڈالر 229 روپے 82 پیسے پر بند ہوا جب کہ گزشتہ روز ڈالر 228 روپے 18 پیسے پر بند ہوا تھا۔

Interbank closing #ExchangeRate for todayhttps://t.co/V2nogjMqcl pic.twitter.com/yjpZbT1Cqa

Advertisement

— SBP (@StateBank_Pak) September 12, 2022

اوپن مارکیٹ میں ڈالر 1.50 روپے مہنگا ہوا، اضافے سے ڈالر 236 روپے پرپہنچ گیا جب کہ  جمعہ کے روز اوپن مارکیٹ میں ڈالر  234 روپے 50 پیسے پر بند ہوا تھا۔

دوسری جانب سابق وزیر توانائی حماد اظہر نے ٹوئٹ کرتے ہوئے لکھا کہ انٹربینک روپے کی شرح آج ڈالر کے مقابلے میں مزید 1.50 روپے تک گر گئی ہے، نئی شرح اب 229.75 ہے۔

حماد اظہر کا کہنا تھا کہ ہمارے بین الاقوامی بانڈز اپنی قیمت سے آدھی پر بِک رہے ہیں، اسٹیٹ بینک درآمدی L/C کے حل کے لیے ڈالر جاری کرنے میں تاخیر کر رہا ہے، معیشت میں بےیقینی اپنے عروج پر ہے اور حکومت دہی کھا رہی ہے۔

انٹربینک روپے کی شرح آج ڈالر کے مقابلے میں مزید 1.50 روپے تک گر گئی ہے۔ نئی شرح اب 229.75 ہے۔ ہمارے بین الاقوامی بانڈز اپنی قیمت سے آدھی پر بِک رہے ہیں۔ اسٹیٹ بینک درآمدی L/C کے حل کے لیے ڈالر جاری کرنے میں تاخیر کر رہا ہے۔ معیشت میں بےیقینی اپنے عروج پر ہے۔ حکومت دہی کھا رہی ہے۔

— Hammad Azhar (@Hammad_Azhar) September 12, 2022