زیادہ تر لوگوں کو یہ ہی لگتا ہے کہ سورج کا اصل رنگ پیلا ہے لیکن حقیقیت اس کے برعکس ہے سورج کا رنگ پیلا نہیں ہے۔

امریکی خلائی ادارے ناسا کے ایک سابق خلاباز نے تصدیق کی ہے کہ سورج کا رنگ دراصل پیلا نہیں ہے۔

انہوں نے بتایا ہے کہ سورج کا اصل رنگ سفید ہے جس کے بارے میں کافی لوگوں کو یقین نہیں آرہا لیکن یہ سچ ہے۔

I can confirm this space fact. https://t.co/lLzcKgklvD

Advertisement

— Scott Kelly (@StationCDRKelly) September 12, 2022

سابق امریکی خلا باز اسکاٹ کیلی نے ‘latest in space’نامی ٹوئٹر اکاؤنٹ کی ٹوئٹ کو ری ٹوئٹ کرتے ہوئے خلائی حقیقت کی تصدیق کی ہے کہ سورج  اصل میں سفید ہے لیکن زمین کے ماحول کی وجہ سے یہ پیلا دکھائی دیتا ہے۔

انہوں نے بتایا کہ لہٰذا جب ایک بار کوئی شخص ہمارے سیارے کی ماحولیاتی تہہ سے باہر نکلتا ہے تو سورج سفید نظر آتا ہے۔

ناسا کے مطابق زمین کا ماحول سرخ سے زیادہ نیلی روشنی کو پھیلاتا ہے جبکہ نیلی روشنی میں معمولی کمی کا مطلب ہے کہ انسانی آنکھ سورج کے رنگ کو پیلا سمجھتی ہے۔

تمام ایکس اور گاما شعاعیں زمین پر ہم تک پہنچنے سے پہلے ہی فلٹر ہو جاتی ہیں اور جیسے ہی سورج کی روشنی ماحول کی مختلف تہوں سے گزرتی ہے، نیلی روشنی پھیلتی ہے اور پھر زیادہ مقدار میں سرخ روشنی ہماری آنکھوں تک پہنچتی ہے۔

یہی وجہ ہے کہ غروب آفتاب کے وقت سورج اور یہاں تک کہ آسمان بھی سرخ دکھائی دیتا ہے۔

اس تصدیق پر سوشل میڈیا صارفین کی جانب سے ملے جلے تبصرے کیے جارہے ہیں۔

i mean, he can be lying just to lie. can anyone else confirm this? one out of 9 billion people do not make it true. i know you are better than to belive everything a random person tells you on the internet, even if he has been in very low orbit

— thesithlord66 (@thesithlord66) September 13, 2022