آج ہم آپکو روتے ہوئے بچے کو 5 منٹ میں چُپ اور سلانے کا طریقہ بتائیں گے۔

بیشتر والدین کو معلوم نہیں ہوتا کہ وہ اپنے چھوٹے بچوں کو کیسے چُپ کروائیں اور یہی وجہ ہے کہ اکثر وہ اس کو لے کے بے حد پریشان بھی ہوتے ہیں۔

تو آج ہم آپکی یہ مشکل آسان کردیں گے اور آپکو بتائیں گے نہایت ہی آسان طریقہ جس سے آپ صرف 5 منٹ میں روتے ہوئے بچے کو چُپ کروا سکیں گے۔

جاپانی محققین نے دریافت کیا کہ اگر بچہ رو رہا ہو تو اسے گود میں اٹھا کر 5 منٹ تک چہل قدمی کریں اور پھر 8 منٹ تک اسے کندھے سے لگا کر بیٹھے رہیں، وہ 13 منٹ میں میٹھی نیند سو جائے گا۔

تحقیق کے دوران بچوں کو چپ کراتے ہوئے ای سی جی مشین اور کیمروں کا استعمال کر کے مختلف طریقوں کے اثرات کا موازنہ کیا۔

تحقیق میں 21 ماؤں نے نومولود بچوں کو پرسکون رکھنے کے لیے مختلف طریقوں کو آزمایا۔

ماہرین نے دریافت کیا کہ 5 منٹ تک بچے کو لے کر گھومنا اس وقت بچوں کو سلانے میں مدد فراہم کرتا ہے جب وہ رو رہے ہوتے ہیں، البتہ پرسکون بچوں کو اس طریقہ کار سے کوئی فائدہ نہیں ہوتا۔

محققین کے مطابق 5 منٹ کی چہل قدمی کے بعد بچے چپ ہوجاتے ہیں اور ان کی دل کی دھڑکن کی رفتار سست ہوجاتی ہے، جس کے بعد وہ کچھ دیر میں سو جاتے ہیں۔

ان کا مزید کہنا ہے کہ جب بچے سو جائیں تو بھی بچے کو کچھ وقت تک کندھے سے لگائے رکھیں اور اس کے بعد ہی بستر پر منتقل کریں۔