پی ٹی آئی کے ممکنہ لانگ مارچ کے پیش نظر ریڈ زون میں سخت حفاظتی انتظامات

راو رضوان

21st Sep, 2022. 10:04 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ٹی آئی کے ممکنہ لانگ مارچ کے پیش نظر ریڈ زون میں سخت حفاظتی انتظامات

اسلام آباد میں ریڈ زون میں جانے والے داخلی راستوں کوکنٹینر لگا کر بند کر دیا گیا ہے۔

تفصیلات کے مطابق پی ٹی آئی کے ممکنہ احتجاجی لانگ مارچ یا دھرنے کے پیش نظر وفاقی دارالحکومت کے ریڈ زون کو شپنگ کنٹینرز سے سیل کر دیا گیا ہے۔

وفاقی دارالحکومت کے داخلی اور خارجی راستوں پر پولیس کی اضافی نفری تعینات کر دی گئی ہے۔

ہنگامی صورتحال سے نمٹنے کے لیے اسلام آباد پولیس نے صوبوں سے پولیس، پیرا ٹروپرز اور ایف سی فورس کے 30,000 اہلکار طلب کیے ہیں جن میں سے 20,000 پنجاب، 4,000 خیبر پختونخوا اور 6,000 رینجرز اور ایف سی فورس کے اہلکار شامل ہیں۔

خیال رہے کہ اس ماہ کے آغاز میں پی ٹی آئی کے چیئرمین عمران خان نے پارٹی رہنماؤں اور کارکنوں کو اسلام آباد میں لانگ مارچ کی تیاریاں شروع کرنے کی ہدایت کی تھی۔

خیبرپختونخوا کے پارٹی قانون سازوں اور مقامی رہنماؤں سے خطاب کرتے ہوئے انہوں نے ایم پی اے سے کہا کہ وہ صوبائی قیادت کی مشاورت سے مارچ کی تیاریاں شروع کریں۔

انہوں نے کہا کہ امپورٹڈ حکومت کو مزید وقت نہیں دیا جا سکتا، انہوں نے مزید کہا کہ اسلام آباد جانے کا فیصلہ کر لیا گیا ہے۔ انہوں نے پارٹی کارکنوں سے کہا کہ وہ ان کی کال کا انتظار کریں۔