خود مختار فلسطینی ریاست کا قیام خطے میں دیرپا امن کیلئے ناگزیر ہے، ترجمان دفتر خارجہ

ویب ڈیسک

22nd Sep, 2022. 10:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

خود مختار فلسطینی ریاست کا قیام خطے میں دیرپا امن کیلئے ناگزیر ہے، ترجمان دفتر خارجہ
پاکستان غزہ جنگ بندی معاہدے پر عمل درآمد کیلئے واضح موقف پیش کرے گا، دفترخارجہ
مشرف علی زیدی عالمی میڈیا کےلئے ترجمان وزیراعظم مقرر، عطا اللہ تارڑ کی تصدیق ، نو ٹیفکیشن جاری
پنجاب اسمبلی کا 34 واں اجلاس کل شروع ہوگا، اہم بلز اور حکومتی امور پر بحث متوقع

Now Reading:

خود مختار فلسطینی ریاست کا قیام خطے میں دیرپا امن کیلئے ناگزیر ہے، ترجمان دفتر خارجہ

ترجمان دفتر خارجہ نے کہا ہے کہ آزاد و خود مختار فلسطینی ریاست کا قیام خطے میں انصاف اور دیرپا امن کے لیے ناگزیر ہے۔

ترجمان دفتر خارجہ عاصم افتخار احمد کی جانب سے جاری بیان کے مطابق پاکستان کے کسی وفد کے دورہ اسرائیل کا تاثر صریحاً مسترد کرتے ہیں۔

ان کا کہنا تھا کہ غیرملکی غیرسرکاری تنظیم نے زیر بحث دورے کا اہتمام کیا جو پاکستان میں موجود نہیں، پاکستان کا مسئلہ فلسطین پر موقف واضح اور غیر مبہم ہے۔

ترجمان دفتر خارجہ کا یہ بھی کہنا تھا کہ پاکستان کی پالیسی میں ایسی کوئی تبدیلی نہیں جس پر مکمل قومی اتفاق رائے ہو، پاکستان فلسطینی عوام کے ناقابل تنسیخ حق خودارادیت کی مستقل حمایت کرتا ہے۔

عاصم افتخار احمد نے کہا کہ پاکستان، مسئلہ فلسطین کا اقوام متحدہ، او آئی سی قراردادوں کے مطابق حل چاہتا ہے۔

انہوں نے یہ بھی کہا کہ ایسی فلسطینی ریاست کے حامی ہیں جس کا دارالحکومت القدس الشریف ہو، آزاد و خود مختار فلسطینی ریاست کا قیام خطے میں انصاف اور دیرپا امن کے لیے ناگزیر ہے۔

ترجمان دفتر خارجہ عاصم افتخار احمد نے مزید کہا کہ اقوام متحدہ، او آئی سی قراردادوں کے مطابق 1967 سے قبل کی سرحدوں کے ساتھ آزاد فلسطینی ریاست قائم کی جائے۔