وزیراعلی جام کمال خان نے کہا ہے کہ گوادر اب عملی ترقی کر رہا ہے اور اس کا شمار جلد دنیا کے ترقی یافتہ شہروں میں ہوگا۔

وزیراعلی بلوچستان جام کمال خان کی زیر صدارت گوادر ڈیولپمنٹ اتھارٹی کے امور کا اعلئ سطحی جائیزے اجلاس ہوا ، جس میں ڈی جی جی ڈی اے گوادر شاہزیب کاکڑ نے  اجلاس کو بریفنگ دی۔

اجلاس کو سیکریٹری مواصلات  وتعمیرات اور سیکریٹری صحت کی گوادر کے منصوبوں کے حوالے سے بریفنگ میں کہا گیا کہ گودر میں 10 کروڑ روپے کی لاگت سے ٹراما سینٹر اور 15 کروڑ روپے کی لاگت سے ڈی ایچ کیو اسپتال کی نئی عمارت تعمیر کی جارہی ہے۔

بریفنگ میں کہا گیا کہ گوادراولڈ ٹاؤن کی ٹاؤن پلاننگ نکاسی آب سڑکو ں کی پختگی پانی کی فراہمی کے منصوبوں پر کام جاری ہے جبکہ 3 ارب 80کروڑ روپے کی لاگت سے سوڑ ڈیم سے گوادر تک پانی کی پائپ لائین کی تنصیب کے بعد ڈیم سے گوادر کو پانی کی فراہمی کا آغاز کردیا گیا ہے۔

صوبہ قدرتی وسائل سے مالامال ہے ، جام کمال

بریفنگ میں یہ بھی کہا گیا کہ گوادر ماسٹر پلان کی منظوری کے تناظر میں جی ڈی اے کے بائ لاز کا جائیزہ لیا گیا جبکہ بائی لاز کی منظوری کے بعد تعمیرات کے لئے این او سی کا اجراء کا آغاز کیا جا ئے گا۔

 وزیراعلی بلوچستان کو اجلاس میں تایا گیا کہ گوادر کی تما م چھوٹی بڑی ہاؤسنگ اسکیموں کو روڈ نیٹ ورک سے منسلک کیا جا رہا ہے، 90 منزل تک ہائ رائیز عمارتیں تعمیر ہو سکیں گی۔

اس موقع پر وزیراعلی بلوچستان نے  ہدایت کی کہ جی ڈی اے گوادر میں کاروباری اور سیاحتی سرگرمیوں کے فروغ کے لئے اقدامات کرے۔

وزیراعلی بلوچستان نےکہا کہ گوادر کی ترقی مربوط حکمت عملی کے تحت کی جارہی ہے ، واٹر ٹریٹمنٹ کا پانی پارکوں کار واش اور تعمیراتی کاموں کے لئے تجارتی بنیادوں پر استعمال میں لایا جا ئے۔