امیر جماعت اسلامی سراج الحق نے کہا ہے کہ جماعت اسلامی ختم نبوت کے تحفظ کیلئے ہر وقت بیدار اور تیار ہے۔
تفصیلات کے مطابق امیر جماعت اسلامی سراج الحق نے اپنے بیان میں کہا کہ ہمارے حکمران ہر در پر جھکے، سوال کیا، کشکول پھیلائے لیکن اللہ کے سامنے نہیں جھکتے۔
سراج الحق نے کہا کہ مسلم لیگ ن، پیپلز پارٹی، پی ٹی آئی ایک ہی نظام کے محافظ ہیں؛ تینوں پارٹیاں اسٹیٹس کو اور سودی معیشت پر اکھٹی ہیں، ہماری لڑائی فرد یا پارٹی سے نہیں بلکہ اللہ کا نظام نافذ کرنے کی جدو جہد ہے۔
ان کا کہنا تھا کہ ٹرانسجینڈر ایکٹ کو پوری قوم مسترد کرتی ہے، خواجہ سراؤں کو تمام حقوق دئیے جائیں، جماعت اسلامی ہمیشہ خواجہ سراؤں کے حقوق کی بات کرتی رہی ہے، خواجہ سراؤں کو تمام حقوق دئیے جائیں جو ان کا بحیثیت پاکستانی حق ہے۔
انہوں نے کہا کہ خواجہ سراؤں کو نوکریاں دی جائیں، ان کو الاوئنس دیا جائے، ان کو چھت دی جائے، ان کو تحفظ دیا جائے، ٹرانسجینڈر کے حقوق کے لیے موجودہ ایکٹ 2018 میں خامیاں موجود ہیں، اسلامی جو اس قانون میں ترامیم لے کر آئی ہے حکومت سے مطالبہ ہے کہ وہ اس کو قبول کرے۔
سراج الحق نے کہا کہ جماعت اسلامی سمیت ہر مسلمان ختم نبوت کے تحفظ کے لیے ہر وقت بیدار اور تیار ہے، ختم نبوت کا تحفظ ہمارے ایمان کا حصہ ہے جس پر کبھی پیچھے نہیں ہٹیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News