ماہرین صحت کا کہنا ہے کہ وزن کم کرنے کے خواہش مند افراد کو گلابی نمک استعمال کرنا چاہیے کیوں کہ یہ جسم میں معدنیات کے توازن کو برقرار رکھتا ہے۔

 نمک کا استعمال ہر گھر میں ہوتا ہے لیکن عموماً لوگ سفید نمک کا استعمال کرتے ہیں کیونکہ وہ یہ بات نہیں جانتے کے گلابی نمک کے کتنے فوائد ہیں۔

آج ہم آپ کو گلابی نمک کے چند ایسے فوائد بتائیں گے جن کو جان کر آپ بھی اس نمک کو استعمال کرنے پر مجبور ہو جائیں۔

سب سے پہلے ان افراد کے لیے تو بہت ہی خوشی کی بات ہے جو وزن کم کرنے کے خواہشمند ہیں کیونکہ گلابی نمک جسم میں معدنیات کے توازن کو برقرار رکھتا ہے۔

 گلابی نمک جنک فوڈ کی طلب کو کم کرتا ہے اور ساتھ ہی جسم میں پائی جانے والی خراب چربی کو بھی ختم کرتا ہے۔

 جن لوگوں کو قبض کی شکایت رہتی ہو ان کے لیے بھی یہ نمک بہت مفید ہے۔

گلابی نمک کی ایک خاصیت یہ بھی ہے کہ یہ دانت کے درد کا علاج بھی کرتا ہے۔

دانت کے درد کا علاج

سب سے پہلے آپ نمک کو باریک پیسیں اور اسے ایک صاف کپڑے میں چھان لیں۔

اس کے بعد نمک کے 4 حصے سرسوں کے تیل میں ملانے ہیں اور اس کو انگلی کی مدد سے منجن کی طرح دانتوں اور مسوڑھوں پر لگانا ہے اس سے تکلیف دور ہو جائے گی۔

گلابی نمک کے صحت پر کیا اثرات ہوسکتے ہیں؟

عام نمک اور گلابی نمک کے درمیان فرق یہ ہے کہ گلابی نمک کا رنگ ہے جو اسے عام نمک سے منفرد کرتا ہے۔

سانس کی بیماریوں میں مبتلا افراد کے لیے بھی بہت مفید ہوتے ہیں تاہم ان میں سے تمام فوائد تحقیق سے ثابت شدہ نہیں ہیں۔

گلابی نمک کی خاصیت جاننے کے لئے آسٹریلیا میں دستیاب گلابی نمک کے اکتیس نمونوں پر تحقیق کی اور حیران کن حقائق بیان کئے کہ ان نمونوں میں غذائی اجزا کی سطح مختلف ہے۔

تحقیق کے مطابق گلابی نمک میں سوڈیم کے علاوہ سب سے زیادہ پائی جانے والی چیزیں میگنیشیئم، کیلشیئم اور پوٹاشیئم تھیں۔

حیران کن بات یہ ہے کہ گلابی نمک کے وہ نمونے جن میں یہ غذائی اجزا زیادہ تھے اور سب سے خطرناک بات یہ کہ ان نمونوں میں المونیم 19 ملی گرام فی 100 گرام) اور سیسہ (0.26 ملی گرام فی 100 گرام) تک شامل تھا۔

ان دونوں دھاتوں کو لمبے عرصے تک یا زیادہ مقدار میں استعمال کیا جائے تو یہ صحت کو بہت نقصان پہنچاتی ہیں۔

گلابی نمک دیکھنے میں خوبصورت لگتا ہے لیکن صحت مند متبادل کے طور پر ہم دیگر جڑی بوٹیاں اور مصالحے استعمال ک سکتے ہیں جیسا کہ مرچیں، ہلدی، دار چینی، زعفران وغیرہ۔