ملالہ یوسفزئی کی ہالی ووڈ میں انٹری؟

ویب ڈیسک

28th Sep, 2022. 04:04 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملالہ یوسفزئی کی ہالی ووڈ میں انٹری؟

نوبل انعام یافتہ پاکستانی ملالہ یوسفزئی نے ہالی ووڈ انڈسٹری میں انٹری دے دی۔

غیر ملکی خبر رساں ادارے کے مطابق ملالہ نے ’ایکسٹرا کریکیولر‘ کے نام سے اپنے فلم پروڈکشن ہاؤس کے آغاز کا اعلان کیا ہے۔

انہوں نے کہ میں نے محسوس کیا ہے ہمیں لوگوں کی فلاح وبہبود کے کام کو صرف این جی اوز تک ہی محدود نہیں رکھنا چاہئیے بلکہ لوگوں کے ذہنوں اور خیالات کو ایڈجسٹ کرنے کا ایک اور جزو سینما بھی ہے ،جس کے لیے تھوڑا سا اضافی کام کرنے کی ضرورت ہے۔

ملالہ یوسفزئی کا کہنا تھا کہ آپ کو عام طور پر ہالی ووڈ میں مختلف رنگ ونسل کے لوگوں کی نمائندگی بہت ہی کم نظر آتی ہے اور انڈسٹری کی اس روایت کو اب بدل جانا چاہئیے۔

ملالہ نے کہا کہ میں ایک مسلمان لڑکی ہوں جس کا ایک پختون خاندان سے تعلق ہے، میں ایک ایشیائی فرد ہوں جس نے سفید فام لوگوں کی کامیابی اور فتوحات پر مبنی کہانیاں اسکرین پر دیکھی ہیں۔

اُنہوں نے کہا کہ اگر ہم ان انکشافات کو دیکھنے کے قابل ہیں، تو مجھے لگتا ہے ناظرین میں ہم ایشیائی باشندوں کی تخلیق کردہ کہانیوں کو دیکھنے اور سننے کی صلاحیت بھی ہونی چاہئیے۔

ملالہ یوسف زئی کا کہنا تھا کہ ایسی کہانیاں جوکہ سفید فام لوگوں نے نہیں بلکہ ایشیائی رنگ ونسل کے باشندوں نے بنائی ہوں اور وہ خود ہی ان کہانیوں کے مرکزی کردار بھی ہوں، ایسا ممکن ہوسکتا ہے اور میں یہ کام سرانجام دینے جارہی ہوں۔