اسلام آباد ہائیکورٹ؛ سوشل میڈیا ایکٹیوسٹ مریم ملک کیخلاف انکوائری بند

نور الامین دانش

29th Sep, 2022. 12:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسلام آباد ہائیکورٹ؛ سوشل میڈیا ایکٹیوسٹ مریم ملک کیخلاف انکوائری بند

اسلام آباد ہائی کورٹ نے اداروں کے خلاف سوشل میڈیا مہم چلانے پرسوشل میڈیا ایکٹیوسٹ مریم ملک کے خلاف انکوائری بند کر دی۔

دورانِ سماعت مریم ملک اپنی وکیل ایمان مزاری کے ساتھ عدالتِ عالیہ میں پیش ہوئیں۔

ایف آئی اے کی جانب سے اسلام آباد ہائی کورٹ کو آگاہ کیا گیا کہ اس نے مریم ملک کے خلاف انکوائری بند کر دی ہے۔

چیف جسٹس اسلام آباد ہائی کورٹ اطہر من اللّٰہ نے ایف آئی اے کے نمائندے سے سوال کیا کہ انکوائری بند ہو گئی ہے یا ابھی ہونی ہے؟

ایف آئی اے کی جانب سے عدالت کو جواب دیا گیا کہ انکوائری بند کرنے کے احکامات جاری ہو گئے ہیں۔

چیف جسٹس اسلام آباد ہائی کورٹ اطہر من اللّٰہ نے کہا کہ عدالتی حکم پر عمل درآمد ہو گیا اس لیے ہم درخواست نمٹا دیتے ہیں۔

ایس ای سی پی ڈیٹا لیک کرنے کا کیس

ایڈیشنل ڈائریکٹرارسلان حجازی کے شوکاز نوٹس کے خلاف کیس میں عدالت نے ارسلان حجازی اور فخر درانی کو ہراساں نہ کرنے کے حکم میں دو نومبر تک توسیع کردی۔

اسلام آباد ہائی کورٹ نے فریقین سے آئیندہ سماعت پر حتمی دلائل طلب کر لیے۔

چیف جسٹس اسلام آباد ہائی کورٹ اطہرمن اللہ نے کیس کی سماعت کی۔