انڈے آپ کی صحت کے لیے فائدے مند ہے یا نقصان دہ آج ہم آپ کو بتائیں گے جس کے بعد آپ کی تمام غلط فہمیاں دور ہوجائیں گی۔

اکثر لوگ سمجھتے ہیں کہ انڈے کھانے سے کولیسٹرول یا فیٹ بڑھا جائے گا ان میں سے کچھ غلط فہمیوں کا ذکر ہم نے نیچے کیا ہے، جسے پڑھنے کے بعد آپ کو سمجھ آجائے گا۔

انڈے گرمی پیدا کرتے ہیں

صحت کے لحاظ سے ہم میں بہت سی غلط فہمیاں پائی جاتی ہیں، ان میں سے ایک یہ بھی ہے کہ روزانہ انڈہ کھانے سے ‘گرمی’ ہوجاتی ہے جبکہ وہی میجورٹی اسی قیمت میں صحت کے لیۓ نقصان دہ سموسہ ضرور کھا لیتی ہے کیونکہ سموسے کے نقصانات کے بارے میں کوئی معلومات موجود نہیں ہیں۔

اگر ہم تھوڑا تفصیل میں جاکر دیکھیں تو ہمیں پتا چلتا ہے کہ انڈے میں پروٹینز ہوتا ہے اور یہ پروٹینز ہماری ضرورت ہے، ہر شخص کو اپنے وزن کے لحاظ سے 30 گرام پروٹین روزانہ کی ضرورت ہوتی ہے جبکہ ایک انڈہ ان پروٹینز کی آدھی تک ضرورت پوری کردیتا ہے جو کہ ایک عام شخص کے لیۓ نارمل ثابت ہوتا ہے اور اسکا کوئی نقصان نہیں ہے۔

مطلب کہ ایک انڈہ روزانہ کھانے سے ہمیں گرمی نہیں ہوتی بلکہ ہمارے جسم کو درکار پروٹین کی ضرورت پوری ہوتی ہے جو کہ ایک صحت مندانہ عمل ہے اور اس عمل سے صحت کو کوئی خطرہ لاحق نہیں۔

جبکہ وہیں دیکھا جائے تو ایک سموسہ فیٹس سے بھرپور ہوتا ہے اور آپ سب فیٹس کے نقصانات سے آگاہ تو ہوں گے ہی لیکن پھر بھی لوگ انڈے پہ سموسے کو ترجیح دیتے ہیں۔

یہ ایک تحقیقاتی رپورٹ کی خبر ہے کہ ہماری اکثریت 20 روپے کے سموسے کو اسی قیمت پہ آنے والے انڈے پہ ترجیع دیکر خود ہی اپنے لیے بیماریاں خرید رہی ہے۔

دیسی انڈا فارمی انڈے سے بہتر غذائی اجزا رکھتا ہے

انڈے کے خول کی رنگت کا تعلق اس میں موجود غذائیت کی بجائے مرغی کی نسل اور رنگت سے ہے۔

دیسی انڈے عموما براؤن کلر کے ہوتے ہیں اور فارمی سفید رنگت کے مگر تحقیق سے یہ بات ثابت ہو چکی ہے کہ دونوں قسم کے انڈے ایک جیسی غذائیت رکھتے ہیں اور یہ خوش فہمی کہ دیسی انڈے بہت زیادہ غذائیت رکھتے ہیں ایک نفسیاتی دھوکے کے سوا کچھ نہیں جس پر سالوں کے یقین کی وجہ سے ہمارا دماغ ہمیں ایسا محسوس کراتا ہے جبکہ حقیقت اس کے بر عکس ہے۔

انڈے کھانے سے کولیسٹرول بڑھ جاتا ہے

کولیسٹرول بڑھنے کی وجہ غذائی کولیسٹرول نہیں ہے، یہ بات ریسرچ سے ثابت شدہ ہے کہ فیٹس کی اقسام کولیسٹرول کی مقدار کو بدلتی ہیں جیسا کہ ٹرانساور سیچوریٹڈ فیٹ جو کہ گھی وغیرہ میں پایا جاتا ہے اس کی زیادہ مقدار کولیسٹرول کو بڑھا دیتی ہے جس کی وجہ سے دل کی بیماریاں ہوتی ہیں اور انڈوں میں یہ نا ہونے کے برابر ہیں اس لیے، انڈوں سے ملنے والے کولیسٹرول کا ہمارے جسم پہ کوئی منفی اثر نہیں ہے۔

انڈے کی زردی صحت کے لئے نقصان دہ

اس بات کے حق میں دی جانے والی دلیل یہ ہے کہ زردی میں موجود فیٹس کی مقدار سفیدی سے زیادہ ہوتی ہے اس لئے اسے نہیں لینا چاہیے جبکہ ان فیٹس کی وجہ سے ہماری جلد کی چمک بڑھتی ہے اور یہ ہمیں ممکنہ سوزش سے بھی بچاتی ہے۔

اسی طرح اس میں موجود اومیگا 3 فیٹی ایسڈ اور وٹامن بی  خاصی مقدار میں موجود ہوتا ہے جو کہ ہمارے لئے بہت فائدہ مند ہیں۔

روز انڈے کھانا نقصان دہ ہے

جیسا کہ اوپر بتایا جا چکا ہے کہ ہمیں روزانہ 30 گرام سے اوپر پروٹینز چاہیے ہوتا ہے سو ان کی کمی کو پورا کرنے کے لیے انڈے ایک اہم ذریعہ ہیں۔

یہ فقط 20 روپے میں ہماری غذائی کمی کو پورا کر سکتے ہیں۔

ایک انڈہ 10-15 گرام تک پروٹین رکھتا ہے مطلب ہماری پروٹین کی آدھی سے زیادہ ضرورت ایک انڈہ پوری کر سکتا ہے۔

اسی طرح انڈوں میں موجود اومیگا تھری ، وٹامنز اور منرلز ہم کو ہشاش بشاش رکھنے میں مدد دیتے ہیں اور ہماری غذائی ضروریات کو پورا کرتے ہیں۔

کچا انڈہ زیادہ پروٹینز رکھتا ہے

اس بات میں کوئی صداقت نہیں بلکہ حقیقت یہ ہے کہ کچا انڈہ اپنے اندر سالمونیلا نامی بیکٹیریا رکھتا ہے جو کہ ہمیں بیمار کر سکتے ہیں سو انڈے کو کچا پی جانے سے آپ سپر مین تو نہیں بن سکتے مگر ہسپتال ضرور جا سکتے ہیں۔

یاد رہے، روزانہ کے ایک یا دو انڈے آپ کی صحت کے لئے نقصان دہ نہیں بلکہ فائدہ مند ہیں اور ایک گروتھ کے فیز میں جاتے بچے کے لئے یہ کھانے بہت ضروری ہیں۔

انڈوں سے نا ہی گرمی ہوتی ہے اور نا ہی یرقان سو اس بات کی فکر کرنے کی کوئی ضرورت نہیں، اب یہ آپکی پسند ہے کہ آپ پرانے متھس کیساتھ زندہ رہ کر اپنی صحت کو نقصان پہنچاتے ہیں یا پھر اپنے جسم کو صحت مند خوراک دیتے ہیں اور ایک صحت مند زندگی گزارتے ہیں۔