پی سی بی کے چئیرمین رمیز راجہ نے کہا کہ ٹیم نے ٹی ٹوئنٹی سیریز میں غلطیاں کی ہیں مگر اس ٹیم کو حمایت کی ضرورت ہے۔
تفصیلات کے مطابق سیریز کے فیصلہ کن کھیل میں شکست کے بعد چیئرمین پاکستان کرکٹ بورڈ رمیز راجہ نے ایک بیان جاری کرتے ہوئے شائقین پر زور دیا کہ وہ ٹیم کی حمایت کریں اور اس  پر اعتماد رکھیں۔

ٹیم کی حمایت میں سامنے آتے ہوئے راجہ نے بتایا کہ کھلاڑی کس طرح محنت کر رہے ہیں، لیکن کامیابی کا کوئی شارٹ کٹ نہیں ہے۔

انہوں نے کہا کہ ہماری ٹیم نے گزشتہ 12 مہینوں میں شاندار جیت کا تناسب حاصل کیا ہے۔ اس نے اپنے 80 فیصد میچ جیتے ہیں جو کہ کافی متاثر کن ہے۔

رمیز راجہ نے مزید کہا کہ ان کھلاڑیوں نے گزشتہ دو سالوں کے دوران خود کو نئی شکل دی ہے۔ ہم ایک بٹن دبا کر آسٹریلیا کی طرح جارحانہ کرکٹ نہیں کھیل سکتے۔ میں جانتا ہوں کہ غلطیاں ہیں لیکن اس ٹیم کو حمایت کی ضرورت ہے۔

پی سی بی چئیرمین نے پاکستان جونیئر لیگ کے بارے میں بات کی، جو ایک پرجوش پروجیکٹ ہے جس پر راجہ اپنے دور کے آغاز سے ہی کام کر رہے ہیں۔

چیئرمین نے اس منصوبے کے پاکستان کرکٹ پر طویل مدتی اثرات کے بارے میں بات کی۔

رمیز راجہ نے زور دیتے ہوئے کہا کہ ہم اس عمل پر کام کر رہے ہیں، نتائج بتدریج سامنے آئیں گے۔

رمیز راجہ نے کہا کہ میں آپ سے وعدہ کر سکتا ہوں، کرکٹرز کی اگلی نسل پہلے سے زیادہ مضبوط ہوگی۔

پی سی بی چئیرمین نے مزید کہا کہ پاکستان جونیئر لیگ بین الاقوامی کرکٹ کے لیے تیار کھلاڑی تیار کرے گی اور ہم اپنے کھلاڑیوں کو کافی مواقع دیں گے اور آپ نتائج دیکھیں گے۔