چین پاکستان سے گدھے اور کتے درآمد کرنے کا خواہش مند

ویب ڈیسک

03rd Oct, 2022. 10:34 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چین پاکستان سے گدھے اور کتے درآمد کرنے کا خواہش مند

چین نے پاکستان سے گدھے اور کتے درآمد کرنے کی خواہش کا اظہار کیا ہے۔

خبر رساں ادارے کے مطابق سینیٹ کی قائمہ کمیٹی برائے تجارت نے انکشاف کیا ہے کہ چین پاکستان سے گدھے اور کتے درآمد کرنے کا خواہاں ہے۔

سینیٹ کی قائمہ کمیٹی برائے کامرس کا اجلاس سینیٹر ذیشان خانزادہ کی زیر صدارت منعقد ہوا جس میں وزارت تجارت کے حکام نے برآمدات اور درآمدات کے حوالے سے بریفنگ دی۔

بریفنگ کے دوران وزارت تجارت کے حکام نے بتایا کہ چین پاکستان سے گدھے درآمد کرنا چاہتا ہے جب کہ چین گوشت برآمد کرنے کی ایک بڑی مارکیٹ ہے۔

رپورٹ کے مطابق اجلاس کے دوران کمیٹی کے رکن دنیش کمار نے بتایا کہ چین پاکستان سے گدھے اور کتے برآمد کرنا چاہتا ہے۔

اجلاس کے دوران رکن کمیٹی مرزا محمد آفریدی نے کمیٹی کو مشورہ دیا کہ افغانستان میں جانور سستے ہیں کیونکہ وہاں خریدار موجود نہیں لہذا افغانستان سے جانور درآمد کرکے گوشت برآمد کیا جاسکتا ہے۔