اس خبر میں آج ہم آپکو ایسی 7 چیزوں کے بارے میں بتائیں گے جو وائی فائی کے سگنلز کو آہستہ کر دیتی ہیں۔

ہم میں سے اکثر افراد وائی فائی کی سست رفتار سے پریشان ضرور ہوں گے کیوں کہ وائی فائی ہر گھر کی ایک اہم ضرورت بن گیا ہے اور ہر شخص یہی چاہتا ہے کہ اس کی رفتار تیز ہو۔

تو آج ہم آپ کو ایسی چیزوں کے بارے میں بتانے والے ہیں جن کی وجہ سے ہمارے وائی فائی کے سگنل آہستہ ہو جاتے ہیں۔

پرانا ٹیلی ویژن:

بہت سے افراد کے گھر زمانہ قدیم کا ٹی وی موجود ہوتا ہے لیکن یہ بات بہت کم لوگ جانتے ہیں کہ یہ ٹی وی یا کوئی بھی سیکنڈ ہینڈ ٹیلی ویژن ایک ایسا سگنل خارج کرتا ہے جو براڈ بینڈ کنکشن میں مداخلت کر کے اسے کریش کر دیتا ہے۔

سی سی ٹی وی کیمرے:

ماہرین کا کہنا ہے کہ ہر قسم کے برقی آلات یعنی لائٹ، لیمپ سے لے کر سی سی ٹی وی کیمروں تک سب آپ کے براڈ بینڈ کنکشن پر اثر انداز ہوتے ہیں لہٰذا اپنے نیٹ کا کنیکشن اس جگہ کروائیں جہاں یہ آلات نصب نہ ہوں یا پھر راؤٹر سے دور ہوں۔

مائیکرو ویو:

برطانوی ٹیلی کام ریگولیٹر آف کام کے مطابق مائیکرو ویو سے وائی فائی سگنل میں کمی آ سکتی ہے لہٰذا خیال رکھیں کہ وائی فائی راؤٹر ایسی جگہ رکھا جائے جہاں سے مائیکرو ویو دور ہو۔

راؤٹر صحیح جگہ نصب:

راؤٹر کو ہمیشہ گھر کے درمیان میں کہیں نصب کریں اس سے وائی فائی سگنل گھر کے ہر کونے میں مکمل موصول ہوں گے جس کی وجہ سے انٹرنیٹ سست روی کا شکار ہونے سے محفوظ رہے گا۔

مانیٹرز سے راؤٹر کو دور رکھیں:

بے بی مانیٹرز اور بلیو ٹوتھ اسپیکرز سے راؤٹر کو دور رکھیں کیونکہ ان کے اندر سے شعاؤں کا اخراج ہوتا ہے جس سے ممکنہ طور پر ڈیوائس کے سگنل متاثر ہوتے ہیں اور انٹرنیٹ کی اسپیڈ پر فرق پڑسکتا ہے۔

پاس ورڈ:

دیگر چیزوں کی طرح انٹرنیٹ کی بھی سیکیورٹی کو یقینی بنائیں اور اس میں پاس ورڈ لگائیں تاکہ آپ کے نیٹ کو استعمال کرنے والی ڈیوائسز بھی محدود ہوں اس سے آپ اپنا ڈیٹا بھی بچا سکتے ہیں اور رفتار بھی۔

ری بوٹ یا ری اسٹارٹ:

  ماہانہ راؤٹر کو ری بوٹ یا ری اسٹارٹ ضرور کریں تاکہ پرانی استعمال شدہ لنکس سے جنک قائم نہ رہ سکے۔