نادرن بائی پاس کے قریب ڈکیتی کے دوران مزاحمت پر چوروں نے فائرنگ کر دی جس کے نتیجے میں 1 شخص جاں بحق جبکہ 1 شدید زخمی ہو گیا۔

تفصیلات کے مطابق یہ واقعہ کراچی میں نادرن بائی پاس کے علاقے گلشن معمار میں پیش آیا۔

پولیس کا کہنا ہے کہ ڈاکوٶں کی جانب سے موٹر سائيکل چھیننے کے دوران مزاحمت پر کی گٸی فاٸرنگ سے ایک بھاٸی جاں بحق اور دوسرا زخمی ہوا ہے۔

پولیس حکام کا کہنا ہے کہ فائرنگ سے ہلاک اور زخمی ہونے والے دونوں بھائی میمن گوٹھ کے رہائشی تھے، دونوں بھائی بطور سیکیورٹی گارڈ کام کرتے تھے۔

حکام کا کہنا ہے کہ ڈاکوؤں نے موٹر سائیکل چھیننے کیلۓ کوشش کی تو دونوں بھائیوں نے اپنی پستول نکالی، ڈاکوؤں نے دونوں بھائیوں پر فائرنگ کی اور ان کی پستول بھی ساتھ لے گئے۔

پولیس حکام کا مزید کہنا ہے کہ ڈاکو نٸی موٹر سائیکل چھین کر لے جانے میں کامیاب نہیں ہو سکے۔

دوسری جانب ڈکیتی کا ایک اور واقعہ کراچی کے علاقے نارتھ ناظم آباد بلاک ایم کے قریب پیش آیا۔

ذرائع کا کہنا تھا کہ جاں بحق بچی کی لاش اور زخمی خاتون کو عباسی شہید ہسپتال منتقل کیا گیا ہے؛ فاٸرنگ سے جاں بحق بچی کی شناخت 2 سالہ انابیہ راشد اور ماں 25 سالہ حنا راشد کے نام سے ہوئی ہے۔

پولیس کا کہنا تھا کہ ماں بیٹی رکشے میں سوار تھے جب پولیس اور ملزمان کے درمیان فائرنگ کا تبادلہ ہوا جس کی زد میں بچی اور اس کی ماں آگئیں۔

پولیس نے مزید کہا کہ واقعے کے حوالے سے مزید تحقیقات کر رہے ہیں۔