خادم حرمین شریفین شاہ سلمان بن عبد العزیز سے چیئرمین جوائنٹ چیفس آف سٹاف کمیٹی جنرل ندیم رضا اور ان کے ہمراہ وفد نے ملاقات کی ہے۔

آئی ایس پی آر کے مطابق چیئر مین جوائنٹ چیفس آف اسٹاف کمیٹی جنرل ندیم رضا اور سعودی عرب کے فرمانروا شاہ سلمان بن عبد العزیزکے درمیان ہونے والی ملاقات کے دوران باہمی دلچسپی کے امورپر تبادلہ خیال کیا۔

ملاقات کے دوران سعودی عرب اور پاکستان کے درمیان عسکری شعبے میں تعاون کو فروغ دینے پر گفتگو ہوئی ہے۔

سعودی پریس ایجنسی کے مطابق اس موقعے پر وزیر داخلہ شہزادہ عبد العزیز بن سعود بن نایف، نائب وزیر دفاع شہزادہ خالد بن سلمان، شاہ سلمان کے نائب سکریٹری تمیم بن عبد العزیز، اسلام آباد میں سعودی ملٹری اتاشی کرنل عوض بن عبد اللہ الزہرانی اور ریاض میں پاکستان کے سفیر راجہ علی اعجاز بھی موجود تھے۔

قبل ازیں، جنرل رضا نے پیر کے روز، سعودی چیف آف جنرل اسٹاف جنرل فیاض بن حامد الرویلی سے بھی ملاقات کی۔

ملاقات میں دونوں ممالک کے فوجی کمانڈروں نے باہمی دلچسپی کے امور پر بھی تبادلہ خیال کیا۔

اس ملاقات میں دونوں ممالک کے سینئر فوجی عہدیدار بھی شریک تھے اور دونوں فریقین نے وفد کی سطح پر بات چیت کی۔

21 نومبر، 2019 کو، وزیراعظم عمران خان نے جنرل رضا کو چیئرمین جوائنٹ چیفس آف اسٹاف کمیٹی (سی جے سی ایس سی) مقرر کیا۔

جنرل رضا نے 27 نومبر کو باضابطہ طور پر چارج سنبھال لیا جب انہوں نے موجودہ چیف جسٹس سی سی سی سی ، جنرل زبیر حیات کی جگہ لی۔