کراچی میں موسم آج بھی گرم، پارہ 39 تک جانے کا امکان

مریم حسن

14th Oct, 2022. 09:35 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں موسم آج بھی گرم، پارہ 39 تک جانے کا امکان

شہر قائد میں آج سے گرمی میں ایک بار پھر اضافے کا امکان ظاہر کیا گیا ہے۔

محکمہ موسمیات کا کہنا ہے کہ شہر میں آج سے موسم گرم اور خشک رہے گا جبکہ اس دوران کم سے کم درجہ حرارت 19.5 ڈگری سینٹی گریڈ ریکارڈ اور زیادہ سے زیادہ درجہ حرارت 39ڈگری سینٹی گریڈ ریکارڈ ہونے کا امکان ہے۔

محکمہ موسمیات نے بتایا کہ شہر میں سمندری ایک بار پھر ہوائیں معطل ہیں جس کے بعد اس وقت 10کلو میٹر فی گھنٹہ کی رفتار سے شمال مغربی سمت سے ہوا چل رہی ہے۔

محکمہ موسمیات نے مزید بتایا کہ آج مطلع صاف رہے گا البتہ بارش کا کوئی امکان موجود نہیں ہے۔

گرمی سے خود کو محفوظ بنائیں

گرمی سے خود کو محفوظ بنائیں کے لیے ضروری ہے کہ جسم میں پانی کی کمی کو پورا کیا جائے، جب جسم میں پانی کی کمی پیدا ہوتی ہے تو بار بار پیاس لگتی ہے، معمول سے بہت کم پیشاب آتا ہے اور پیشاب کی رنگت گہری ہو جاتی ہے، جسم بہت جلد تھکاؤٹ کا شکار ہونا شروع ہو جاتا ہے، سر میں درد اور چکر آ سکتے ہیں اور ایسی صورت میں زیادہ سے زیادہ پانی پینا بہت ضروری ہو جاتا ہے۔

خاص طور پر نمک کی کمی کو پورا کرنے کے لیے لیموں کی سکنجبین کا استعمال زیادہ کریں اور اس میں نمک ڈال کر پینا شروع کر دیں، نارنجی کا جوس بھی جسم کو ڈی ہائیڈریٹ ہونے سے بچاتا ہے۔

اس کے ساتھ ہی ہلکے رنگ کے کپڑے پہنیں کیونکہ گہرا رنگ سورج کی دھوپ کو اپنے اندر جلدی جذب کرتا ہے اور ایسا کپڑا جلدی گرم ہو جاتا ہے اور دھوپ میں نکلنے سے پہلے اپنے سر کو سفید یا ہلکے رنگ کے کپڑے سے ضرور ڈھانپ لیں۔