گورنر پنجاب بلیغ الرحمان نے سیلاب کے ملکی معیشت پر بہت گہرے اثرات مرتب ہوئے ہیں۔

گورنر محمد بلیغ الرحمان نے ملتان میں فاطمہ دسترخواں اور ریلوے اسٹین میں قائم دو واٹر فلٹریشن پلانٹ کا افتتاح کیا ہے۔

‘حالیہ سیلاب ایک بڑی آزمائش ہے’

اس دوران گورنر پنجاب نے مہر فاطمہ دسترخواں کی افتتاحی تقریب سے خطاب کرتے ہوئے کہا کہ اسلام میں نادار اور بھوکے کو کھانا کھلانا بہترین عمل قرار دیا گیا ہے، بھوکے کو کھانا کھلانا بہت بڑی نیکی ہے۔

انہوں نے کہا کہ حالیہ سیلاب ایک بڑی آزمائش ہے، سیلاب سے 4 کروڑ لوگ بے گھر ہوئے ہیں، سیلاب کے ملکی معیشت پر بہت گہرے اثرات مرتب ہوئے ہیں۔

بلیغ الرحمان کا کہنا ہے کہ مصیبت کی اس گھڑی میں پاک فوج اور ڈیزاسٹر منیجمنٹ اتھارٹیز نے بھرپور کردار ادا کیا، سیلاب زدگان کی مدد کے لئے مخیر حضرات کا کردار قابل تحسین ہے۔

‘قلیوں کیلئے مہر فاطمہ دسترخواں اور راشن کی تقسیم بہترین اقدام ہے’

گورنر پنجاب نے کہا کہ فلڈ کی وجہ سے ٹرین آپریشن متاثر ہوا جس سے قلی بے روزگار ہو گئے، قلیوں کے لئے مہر فاطمہ دسترخواں اور راشن کی تقسیم بہترین اقدام ہے۔

انکا مزید کہنا ہے کہ انسانیت کی خدمت کے لئے خواجہ جلال الدین رومی کے خاندان کی بے مثال خدمات ہیں، اہل ثروت اور مخیر حضرات کی ذمہ داری ہے کہ وہ غریب اور نادار لوگوں کا خیال رکھیں۔

خیال رہے کہ معروف صنعتکار خواجہ جلال الدین رومی اور ڈی ایس ریلوے حماد حسن مرزا بھی اس موقع پر موجود تھے۔

گورنر پنجاب نے ملتان، بہاولپور، ڈیرہ نواب اور لودھراں ریلوے اسٹیشن کے قلیوں میں راشن بھی تقسیم کیے جس میں آٹا، دال، چینی، چاول اور کھانے پینے کی اشیاء شامل تھے۔

واضح رہے کہ واٹر فلٹریشن پلانٹس، راشن کا انتظام اور مہر فاطمہ دسترخواں کا قیام رومی فاونڈیشن کی طرف سے کیا گیا۔