انتخابی ضابط اخلاق کی خلاف ورزی پر وفاقی وزیر داخلہ رانا ثناء اللہ خان کو الیکشن کمیشن نے نوٹس جاری کردیا ہے۔

ڈسٹرکٹ مانیٹرنگ آفیسر فیصل آباد سید باسط علی نے ضمنی انتخابات میں ضابطہ اخلاق کی خلاف ورزی پر وفاقی وزیر رانا ثناء اللہ کو نوٹس جاری کیا۔

نوٹس مسلم لیگ ن کے امیدوار این اے 108 عابد شیر علی کی انتخابی مہم میں شریک ہونے پر جاری کیا گیا ہے۔

نوٹیفکیشن کے مطابق رانا ثناء اللہ خان کو آج 16 اکتوبر 10 بجے ڈسٹرکٹ ریٹرننگ آفیسر کے دفتر پیپلز کالونی فیصل آباد میں جواب جمع کروانے کے لئے حکم دیا گیا ہے۔

ڈسٹرکٹ ریٹرننگ آفیسر کا کہنا ہے کہ عوامی عہدے رکھنے والوں کے انتخابی مہم میں حصہ لینے پر پابندی ہے۔

 نوٹیفکیشن میں بتایا گیا کہ الیکشن کمیشن نے ڈپٹی کمشنر اور سٹی پولیس آفیسر فیصل آباد کو تمام پبلک آفس ہولڈرز کو این اے 108 کی حدود سے باہر نکالنے کا حکم جاری کردیا ہے۔

 خیال رہے کہ الیکشن کمیشن یہی حکم پی پی 139 میں وزیر تعلیم رانا تنویر تنویر حسین کے بارے میں بھی جاری کر چکا ہے۔

رانا ثناء اللہ کی کارکنوں کو شیر کے نشان پر مہر لگانے کی ہدایت

فیصل آباد: وزیر داخلہ رانا ثناء اللہ کی جانب سے الیکشن ضابطہ اخلاق کی خلاف ورزی کی گئی ہے۔

رانا ثناء اللہ نے سمن آباد میں انتخابی کارنر میٹنگ میں شرکت کی اور خطاب بھی کیا۔

وزیر داخلہ رانا ثناء اللہ نے وزیر ہونے کے باوجود انتخابی مہم میں حصہ لیا اور کارکنوں کو شیر کے نشان پر مہر لگانے کی ہدایت دی۔

واضح رہے کہ افضل ڈوگر نے عابد شیر علی کی انتخابی مہم کے لئے اجلاس بلایا تھا جبکہ الیکشن مہم کا وقت ختم ہونے کے باوجود کارنر میٹنگ کی گئی۔