سعودی عرب کا شہر تبوک زلزلے سے لرز اٹھا

ویب ڈیسک

17th Oct, 2022. 06:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سعودی عرب کا شہر تبوک زلزلے سے لرز اٹھا

سعودی عرب کے شہر تبوک میں گزشتہ رات شدید زلزلے کے جھٹکے محسوس کئے گئے، جس سے شہری خوف میں مبتلا ہو گئے۔

تفصیلات کے مطابق سعودی عرب میں تبوک میں شدید زلزلے کے جھٹکے محسوس کئے گئے، سعودی عرب کے جیولوجیکل سروے نے اشارہ کیا ہے کہ اتوار کو شمالی سعودی عرب کے شہر تبوک میں 3.38 کی شدت کا زلزلہ ریکارڈ کیا گیا۔

سعودی جیولوجیکل سروے کے سرکاری ترجمان طارق ابا الخیل نے بتایا کہ 16 اکتوبر 2022 اتوار کی شام 10 بج کر 46 منٹ پر زلزلہ آیا۔ ریکٹر سکیل پر 3.38 کی شدت کا زلزلہ ریکارڈ کیا گیا۔

زلزلے کا مرکز تبوک سے 8 کلومیٹر شمال مغرب میں 19.37 کلومیٹر کی گہرائی تھی۔

انہوں نے کہا کہ یہ زلزلہ خلیج عقبہ اور شمالی بحیرہ احمر سے آنے والے ٹیکٹونک دباؤ کی وجہ سے آیا تھا جس کی وجہ سے خطے میں موجود کچھ پرانے فالٹس دوبارہ فعال ہو گئے تھے۔

اباالخیل نے خوف ذدہ شہریوں اور مکینوں کو یقین دلایا کہ زلزلہ کی شدت کے لحاظ سے کمزور سمجھا جاتا ہے اور یہ خطرناک نہیں ہے۔

سعودی جیولوجیکل سروے کے مطابق زلزلے کے بعد کوئی آفٹر شاکس ریکارڈ نہیں کئے گئے۔