بھارتی بنگال کی وزیر اعلی ممتا بنرجی نے سارو گنگولی کی حمایت کر دی

ویب ڈیسک

18th Oct, 2022. 12:28 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارتی بنگال کی وزیر اعلی ممتا بنرجی نے سارو گنگولی کی حمایت کر دی

بھارتی ریاست مغربی بنگال کی وزیر اعلیٰ ممتا بنر جی نے بی سی سی آئی کے سربراہ سارو گنگولی کی حمایت کر دی ہے۔

تفصیلات کے مطابق بھارتی ریاست مغربی بنگال کی وزیر اعلیٰ ممتا بنرجی نے سارو گنگولی کو آئی سی سی کے صدر کے عہدہ کیلئے الیکشن لڑنے کی حمایت کی ہے۔

ممتا بنرجی نے کہا کہ میں وزیراعظم سے اپیل کرتی ہوں کہ وہ اس بات کو یقینی بنائیں کہ گنگولی کو آئی سی سی الیکشن لڑنے کی اجازت دی جائے۔

ممتا بنرجی نے الزام لگایا کہ گنگولی ایک مقبول شخصیت ہیں اس لیے انہیں الیکشن لڑنے سے روکا جارہا ہے۔

وزیر اعلیٰ ممتا بنر جی نے کہا کہ میں حکومت ہند سے اپیل کرتی ہوں کہ سیاسی طورپر کوئی فیصلہ نہ کریں، کرکٹ اور کھیل کو ذہن میں رکھیں کیونکہ وہ کسی سیاسی جماعت کے رکن نہیں ہے۔

سارو گنگولی بورڈ آف کنٹرول فار کرکٹ ان انڈیا (بی سی سی آئی) کے سبکدوش ہونے والے سربراہ ہیں۔

سارو گنگولی خود ایک بار پھر اپنی ریاستی یونٹ بنگال کرکٹ اسوسی ایشن (سی اے بی) کے صدر کے عہدہ پر واپس آنے کیلئے تیار ہیں۔

بھارت کے سابق کپتان نے گزشتہ روز کہا کہ وہ سی اے بی کے انتخابات میں حصہ لیں گے۔