چینی سفیر کی جانب سے سندھ کے سیلاب متاثرین کیلئے 10 ملین دینے کا اعلان کیا گیا ہے۔

تفصیلات کے مطابق ایک تقریب سے خطاب کرتے ہوئے چینی سفیر نونگ رونگ نے کہا کہ پاکستان سیلاب کی شکل میں تباہی سے گزر رہا ہے تاہم چین اور پاکستان اس قدرتی آفت سے مل کر لڑرہے ہیں اور مشترکہ کوششوں سے پاکستان کو اس صورت حال سے نکالیں گے۔

Federal Minister for IT and Telecommunication Syed Amin Ul Haque addresses a ceremony to donate PKR 10 million to the funds of flood affected of Sindh by Zong in Islamabad.

Advertisement

Details: https://t.co/K3CsmSfWOA#MOITT #FloodsInPakistan #Zong @Zongers pic.twitter.com/LSMxYW9d6E

— Ministry of IT & Telecom (@MoitOfficial) October 20, 2022

انہوں نے کہا کہ چین کی حکومت نے پاکستان کے ساتھ اظہار ہمدردی کرتے ہوئے امدادی کارروائیوں میں فوری طور پر حصہ لیا اور مشکل وقت میں پاکستان کے ساتھ کھڑا ہے۔

انہوں نے مزید کہا کہ چین سیلاب متاثرین کیلئے 644 ملین کی امداد دے گا  جس میں چین کی حکومت 400 ملین دے جبکہ چین کی فوج 100 ملین دے گی  اور چین کا ریڈ کراس 100 ملین امداد پاکستان ریڈ کراس کو دے گا ۔

اس موقع پر چینی سفیر نے سندھ کے سیلاب متاثرین کیلئے 10 ملین روپے دینے کا اعلان کیا اور امدادی رقم کا چیک صوبائی وزیر اسماعیل راو کے حوالے کیا۔

اس موقع پر وفاقی وزیر آئی ٹی سید امین الحق بھی تقریب میں شریک تھے جنہوں نے اپنے خیالات کا اظہار کرتے ہوئے اور تقریب سے خطاب کرتے ہوئے کہا کہ چین پاکستان کا عظیم دوست ہے ۔

انہوں نے کہا کہ چین ہمیشہ مشکل وقت میں پاکستان کے ساتھ کھڑا رہا ہے ۔

انہوں نے مزید کہا کہ 2022 کے تباہ کن سیلاب میں لاکھوں گھر تباہ ہوئے ہیں اور سیلاب سے لاکھوں مویشی ہلاک ہوئے ہیں۔

وفاقی وزیر نے بتایا کہ سیلاب سے 120 مقامات پر آپٹیکل فائبر کو کٹ لگے  ہیں تاہم زونگ کی تکنیکی ٹیموں نے متاثرہ علاقوں میں سروس کو بحال کیا  جبکہ پی ٹی اے،فریکوئنسی بورڈ اور ٹیلی کام آپریٹرز نے بہترین کام کیا  ۔

انہوں نے بتایا کہ وزارت آئی ٹی نے وزیراعظم فنڈ کیلئے ایس ایم ایس سروس شروع کی ہے اور اسکے علاوہ کنیکٹوٹی منصوبوں کی تعداد 6 سے بڑھا کر 35 کردی ہے۔