پاکستان میں اقلیتوں کو مکمل آزادی اور تحفظ حاصل ہے، راجہ بشارت

سید خاور عباس ہاشمی

21st Oct, 2022. 12:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان میں اقلیتوں کو مکمل آزادی اور تحفظ حاصل ہے، راجہ بشارت

صوبائی وزیر پارلیمانی امور راجہ بشارت نے کہا ہے کہ پاکستان میں اقلیتوں کو مکمل آزادی اور تحفظ حاصل ہے۔

تفصیلات کے مطابق وزیر پارلیمانی امور راجہ بشارت سے کینیڈین سفارتکاروں کے وفد کی اسمبلی چیمبر میں ملاقات ہوئی ہے۔

ملاقات کے دوران انسانی حقوق اور اقلیتوں کی صورتحال پر تبادلہ خیال کیا گیا جبکہ پاکستان کی سیاسی صورتحال اور عام انتخابات کے حوالے سے بھی گفتگو کی گئی۔

صوبائی وزیر نے بتایا کہ پنجاب نے سب سے پہلے انسانی حقوق کا الگ محکمہ بنایا ہے جبکہ صوبے بھر میں انسانی حقوق اور اقلیتوں کیلئے متعدد اقدامات کئے گئے ہیں۔

انہوں نے بتایا کہ پنجاب میں اقلیتوں کو تمام آئینی اور قانونی حقوق حاصل ہیں جبکہ پاکستان بھر میں بھی اقلیتوں اور ان کے اداروں کو مکمل آزادی اور تحفظ حاصل ہے۔

انہوں نے بتایا کہ حالیہ ضمنی انتخابات کے نتائج پی ٹی آئی کی عوامی مقبولیت کا ثبوت ہیں جس کے بعد ہم عام انتخابات اور بلدیاتی الیکشن دونوں کے لئے تیار ہیں ۔