بھارتی کپتان روہت شرما نے شاہین آفریدی کی انِ سوئنگ سے خوفزدہ ہوکر بھرپور پریکٹس شروع کردی ہے۔

پاکستان کے مایہ ناز فاسٹ بولر شاہین آفریدی کی تباہ کن بولنگ سے نمٹنے کے لیے بھارتی کپتان روہت شرما نے نئی حمکت عملی تیار کی ہے۔

میڈیا رپورٹس کے مطابق بھارتی کپتان روہت شرما فاسٹ بولر شاہین آفریدی کی انِ سوئنگ بولنگ کا مقابلہ کرنے کے لیے نیٹ پریکٹس میں بائیں ہاتھ کے فاسٹ بولر کے خلاف جم کر پریکٹس کررہے ہیں۔

Rohit Sharma prepares for Shaheen Afridi challenge at MCG #RohitSharma𓃵 #T20WorldCup #TeamIndia #CricketTwitter #Cricket

pic.twitter.com/EuUYGFTYM0

Advertisement

— Niche Sports (@Niche_Sports) October 21, 2022

واضح رہے کہ گذشتہ سال ٹی ٹوئنٹی ورلڈ کپ میں ہونے والے پاک بھارت میچ میں شاہین آفریدی نے بھارتی بلے بازوں کے پرخچے اڑا دیے تھے۔

شاہین آفریدی نے بھارتی اوپنر کے ایل راہول اور روہت شرما کو اپنی انِ سوئنگ سے آؤٹ کیا تھا جس کے بعد بھارت پاکستان کے خلاف بڑا اسکور کرنے میں ناکام رہا تھا۔

اس میچ میں شاہین آفریدی نے 4 اوورز میں 31 رنز دے کر 3 سرکردہ کھلاڑیوں کو آؤٹ کیا تھا جب کہ پاکستان نے یہ میچ 10 وکٹوں سے اپنے نام کیا تھا جو کہ بھارت کی سب سے بڑی ہار تھی اور بھارتی ٹیم اگلے راؤنڈ تک بھی رسائی حاصل نہیں کرسکی تھی۔

دوسری جانب ٹی ٹوئنٹی ورلڈ کپ 2022 کے سپر فور مرحلے کا آغاز ہورہا ہے جس میں پاک بھارت مقابلہ 23 اکتوبر کو میلبورن کے تاریخی اسٹیڈیم میں کھیلا جائے گا۔