چین کے شہر وہان سے بچ کر ایک طالب علم ارسلان کراچی پہنچ گیا۔

فصیلات کے مطابق چین کے شہر وہان سے بچ کر کراچی پہنچنے والے طالب علم ارسلان نے بول سے خصوصی بات چیت کرتے ہوئے حکومت سے مدد کی  درخواست کردی۔

ارسلان نے کہا کہ اس وقت وہان شہر کی بہت خراب حالت ہے، 500 سے زائد پاکستانی طلبہ وہاں پھنسے ہوئے ہیں۔

ارسلان نے بتایا کہ کورونا وائرس کی وبا جنوری کے شروع سے ہی پھیلنا شروع ہوگئی تھی جس پر لوگوں نے کوئی بھی احتیاطی تدابیر اختیارنہیں کی۔ ارسلان ووہان یونیورسٹی میں محصور طلبا کے ساتھ رابطے میں ہے، انہوں نے بتایا کہ ووہان میں محصورپاکستانی طلبا میں ایک اورپاکستانی طالبعلم میں کورونا وائرس کی تصدیق ہوگئی جس کے بعدچین میں مہلک وائرس سے متاثرہ پاکستانیوں کی تعداد 5 ہوگئی۔

ارسلان امین نے مزید بتایا کہ شنگھائی شہر میں وہ 22 جنوری کو چھٹیاں گزارنے پہنچے، اسی دوران ووہان میں کورونا وائرس پھیل گیا اور ووہان آنے جانے کے راستے بھی بند کردیے گئے۔

انہوں نے بتایا کہ ان کے ساتھ سندھ کے 2 اور لاہور کا بھی ایک طالبعلم تھا، اس دوران انہیں شنگھائی میں کوئی بھی ہوسٹل نہ مل سکا کیونکہ وہ جہاں بھی بتاتے کہ وہ ووہان سے آئے ہیں کوئی ان سے ہاتھ ملانے کو بھی تیار نہ ہوتا۔ اسی حالت میں ائیرپورٹ پہنچے جہاں امیگریشن حکام نے انہیں روانگی سے روک دیا اور طبی معائنہ کروانے کی شرط رکھ دی۔

ارسلان کا کہناہے کہ وہ اور ان کے ساتھ موجودتین پاکستانی طالبعلموں نے اپنا طبی معانہ کروایا جس کےبعد انہیں پاکستان روانگی کی اجازت دے دی گئی اور وہ براستہ دبئی 28 جنوری کی رات کو کراچی پہنچ گئے۔

طالب علم ارسلان نے مزید کہا کہ کورونا وائرس بہت جلدی لوگوں میں پھیل رہا ہے، میرا حکومت سے مطالبہ ہے کہ وہاں پھنسے پاکستانیوں کی مدد کی جائے۔

واضح رہے کہ کرونا وائرس دراصل ایک بڑا گروپ ہے جو عموماً جانوروں میں پایا جاتا ہے، ایسا بہت کم ہوتا ہے کہ یہ جانوروں سے انسانوں کو منتقل ہو جائے۔

کورونا وائرس سے ہلاکتوں کی تعداد 170 تک پہنچ گئی

اس سے متاثرہ افراد میں آغاز میں زکام جیسی علامات ظاہر ہوتی ہے پھر دیکھتے ہی دیکھتے ناک کا بہنا، کھانسی، گلے کی تکلیف، عموماً سردرد اور بعض اوقات بخار شروع ہو جاتا ہے۔

اس مہلک وائرس کی ایک ست دوسرے فرد میں منتقلی کے کئی راستے ہیں جن میں کھانسی، چھینک، ہاتھ ملانا شامل ہیں۔

اگر متاثرہ شخص نے کسی چیز کو چھوا ہو اور اسے دوسرا فرد چھو کر اپنے منہ، ناک یا آنکھوں کو لگائے تو اس صورت میں وہ بھی وائرس کے پھیلنے کا امکان ہوتا ہے۔

چین سےپھیلنے والا مہلک کرونا وائرس جان لیوا مرض میں تبدیل ہوگیا ہے۔ چین میں ہلاک اور متاثرہ افراد کی تعداد کروناوائرس پھیلنےسے مسلسل بڑھ رہی ہے جبکہ دیگر ملکوں میں بھی مریضوں میں اس وائرس کی تشخیص ہوئی ہے۔