بھارت سے تعلق رکھنے والے رشی سوناک کا نام برطانیہ کا وزیر اعظم بننے کی فہرست میں سب سے مضبوط امیدوار کے طور پر سامنے آیا ہے۔

برطانی خبر رساں ادارے کی خبر کے مطابق لز ٹرس کے 45 روزہ دور اقتدار کے بعد اگر رشی سوناک وزیر اعظم بنتے ہیں تو 42 سالہ بھارتی نژاد رشی سوناک برطانیہ کی 200 سال سے زائد کی تاریخ میں سب سے کم عمر وزیر اعظم ہوں گے۔
واضح رہے کہ رشی سوناک کو برطانوی کنزرویٹو پارٹی کا نیا سربراہ بھی منتخب کر لیا گیا ہے، اسکاٹش کنزرویٹو پارٹی نے اپنے ایک بیان میں کہا ہے کہ اس منصب کے لیے رشی منفرد طور پر لیس ہیں۔

سکاٹش کنزرویٹو رہنما ڈگلس راس نے رشی سوناک کو کنزرویٹو پارٹی کے نئے رہنما اور وزیر اعظم بننے پر مبارکباد دی ہے.

ڈگلس راس نے کہا کہ برطانیہ کے اس وقت دیگر ممالک کی سخت اقتصادی چیلنجز کا سامنا ہے اور رشی سوناک اس کشتی کو پار لگا سکتے ہیں۔

واضح رہے کہ سابق وزیر اعظم بورس جانسن کے گزشتہ روز ایک حیرت انگیز اقدام فیصلے کے بعد پارٹی کی قیادت کی دوڑ سے دستبردار ہونے کے بعد رشی سوناک برطانیہ کے پہلے ہندوستانی نژاد وزیر اعظم بننے کے قوی آثار نظر آ رہے ہیں۔

برطانوی خبر رساں ادارے کی خبر کے مطابق کنزرویٹو امیدوار رشی سوناک کو کم از کم 100 کنزرویٹو ایم پیز کی حمایت کی ضرورت ہے۔

اس خبر پر ردعمل ظاہر کرتے ہوئے کہ رشی سنک برطانیہ کے اگلے وزیر اعظم ہوں گے، سیکرٹری خارجہ جیمز کلیورلی نے برطانوی خبر رساں ادارے کوبتایا کہ یہ ایک “بہت ہی مثبت اقدام” ہے۔

ڈگلس راس کا مزید کہنا تھا کہ گزشتہ چند مہینوں کے مشکل اور سفاکانہ کے بعد، حکومت اب برطانوی عوام پر توجہ مرکوز کر سکتی ہے، اچھی حکمرانی کی فراہمی اور یوکرین جیسے برطانیہ کے بین الاقوامی دوستوں کی حمایت کر سکتی ہے۔