ملک کے بیشتر علاقوں میں موسم خشک اور شمالی علاقوں میں سرد رہنے کا امکان

ویب ڈیسک

28th Oct, 2022. 11:12 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک کے بیشتر علاقوں میں موسم خشک اور شمالی علاقوں میں سرد رہنے کا امکان

آئندہ بارہ گھنٹوں کے دوران ملک کے بیشتر علاقوں میں موسم خشک جبکہ شمالی علاقوں میں سرد رہے گا۔

اس حوالے سے محکمہ موسمیات کا کہنا ہے کہ آج اسلام آباد میں موسم خشک جبکہ رات کے اوقات میں سرد رہے گا جبکہ صوبہ خیبرپختونخوا کے بیشتر اضلاع میں موسم خشک جبکہ بالائی پہاڑی علاقوں میں سردرہے گا۔

محکمہ موسمیات نے بتایا ہے کہ صوبہ پنجاب کے میدانی علاقوں میں دن کے دوران موسم گرم رہنے کا امکان ہے تاہم صبح کے اوقات میں لاہور، منگلہ، ملتان ،بہاولپور اور گرد و نواح میں ہلکی دھند چھائے رہنے کا امکان ہے۔

محکمہ موسمیات نے بتایا کہ صوبہ بلوچستان کے بیشتر اضلاع میں موسم خشک جبکہ صبح اور رات کے اوقات میں بلوچستان کے شمالی حصوں میں سرد رہے گا۔

علاوہ ازیں صوبہ سندھ کے بیشتر اضلاع میں موسم گرم اورخشک رہے گا تاہم صبح کے اوقات میں نوابشاہ اور گردو نواح میں ہلکی دھند چھائے رہنے کا امکان ہے۔

دوسری جانب شہر کراچی میں آج موسم گرم اورمرطوب رہے گا تاہم شہر کے مضافاتی علاقوں میں حد نگاہ متاثر ہے۔

آج کم سے کم درجہ حرارت 21.5 ڈگری سینٹی گریڈ ریکارڈ کیا گیا ہے جبکہ زیادہ سے زیادہ درجہ حرارت 38ڈگری سینٹی گریڈ ریکارڈ ہونے کا امکان ، ہے۔

خیال رہے کہ دنیا کے آلودہ ترین شہروں میں لاہور صف اول پر آگیا ہے جبکہ کراچی چھٹے نمبر پر ہے۔

ایئر کوالٹی انڈیکس کے مطابق لاہور کی فضا میں آلودہ زرات کی مقدار 411 پرٹیکیولیٹ میٹر ریکارڈ کیا گیا ہے جبکہ کراچی کی فضا میں آلودہ زرات کی مقدار 162پرٹیکیولیٹ میٹر ریکارڈ کیا گیا ہے۔