بیوی کے بعد ناظم جوکھیو کی والدہ نے بھی ملزمان کو معاف کردیا

عبدالحسیب خان

28th Oct, 2022. 02:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بیوی کے بعد ناظم جوکھیو کی والدہ نے بھی ملزمان کو معاف کردیا

مقتول ناظم جوکھیو کی والدہ نے عدالت میں پیش ہوکر بیان رکارڈ کرا دیا۔

ایڈیشنل ڈسٹرکٹ اینڈ سیشن جج ملیر کی عدالت میں ناظم جوکھیو قتل کیس میں فریقین کے درمیان صلح نامہ سے متعلق درخواست پر سماعت ہوئی۔ اس موقع پر مقتول ناظم جوکھیو کی والدہ نے عدالت میں پیش ہوکر بیان رکارڈ کرادیا۔

ناظم جوکھیو کی والدہ نے کہا کہ ہم نے ملزمان کو معاف کردیا ہے، جام اویس سمیت 6 ملزمان کو اگرعدالت رہا کرتی ہے تو کوئی اعتراض نہیں۔

اس کیس میں مقتول کی اہلیہ شیریں جوکھیو اور مدعی افضل جوکھیو بھی بیان رکارڈ کرا چکے ہیں۔ مقتول کی اہلیہ نے ملزمان سے اپنے 4 بچوں کے لیے دیت کی رقم کا مطالبہ کررکھا ہے۔

ناظم جوکھیو قتل کیس میں مقتول کی اہلیہ نے اپنے بیان میں کہا تھا کہ ملزمان کو رہا کرنے پر کوئی اعتراض نہیں۔

شیریں جوکھیو نے مؤقف اختیارکیا تھا کہ جام اویس سمیت 6 ملزمان سے صلح ہوچکی ہے، ان کی رہائی پر کوئی اعتراض نہیں ہے۔

عدالت نے کیس کی سماعت 12 نومبر تک ملتوی کردی۔

تین ملزمان حیدرعلی، میرعلی اور نیاز سالار کے خلاف مقدمہ چلے گا۔ عدالت نے ملزمان پر فرد جرم عائد کرنے کے لئے 12 نومبر کی تاریخ مقرر کررکھی ہے۔

واضح رہے کہ ناظم جوکھیو قتل کا مقدمہ کراچی کےمیمن گوٹھ تھانے میں درج کیا گیا تھا۔ مقتول کو نومبر 2021 میں تشدد کے بعد قتل کیا گیا تھا۔