حیدرآباد میں ڈینگی کے 8 نئے کیسز رپورٹ ہوئے ہیں۔

تفصیلات کے مطابق محکمہ صحت سندھ کی حالیہ رپورٹ میں بتایا گیا کہ ڈینگی کیسز میں کمی کا سلسلہ بتدریج جاری ہے اور گزشتہ چوبیس گھنٹوں میں سندھ بھر میں 187کیسز رپورٹ ہوئے ہیں، جن میں سے 122 کیسز کا تعلق کراچی سے ہے۔

محکمہ صحت سندھ نے کہا کہ ضلع وسطی(کراچی) میں 20 ضلع شرقی 13،ضلع کورنگی 5 اور ضلع جنوبی میں 4 ڈینگی کیسز رپورٹ ہوئے ہیں۔

حیدرآباد اور میرپور خاص میں 3، ملیر میں 2 اور ضلع کیماڑی اور شہید بے نظیر آباد میں صرف 1 کیسز رپورٹ ہوا جبکہ ڈاکٹر لالا جعفر(حیدرآباد) نے بول نیوزکو بتاتے ہوئے دعوٰی کیا کہ ضلع بھرمیں ڈینگی کے 42 ٹیسٹس کیے گئے ہیں اور اس وقت مختلف اسپتالوں میں ڈینگی کے 10 مریض زیرعلاج ہیں۔

خیال رہے کہ رواں سال سندھ میں ڈینگی سے 55 افراد جابحق ہوئے تھے۔جن میں سے 48 مریضوں کا تعلق کراچی سے، حیدرآباد اور میرپور خاص میں 3 جبکہ سانگھڑ اورعمر کوٹ میں 1 شخص جان کی بازی ہار گیا تھا۔

اس وقت سب سے زیادہ ہلاکتیں ضلع وسطی(کراچی) میں رپورٹ ہوئیں ہیں جن کی تعداد 20 ہے ضلع شرقی میں 13، ضلع جنوبی میں 4 ضلع ملیر میں 2 ،غربی میں 3 ضلع کورنگی میں 5 اور کیماڑی میں 1رپورٹ ہوئیں۔

محکمہ صحت سندھ نے واضح کیا کہ کراچی میں ماہ اگست میں ڈینگی کیسز کی تعداد 1265 رپورٹ ہوئی اور ماہ ستمبر میں سندھ بھر میں 7 ہزار 585 کیسز رپورٹ ہوئے۔

مجموعی طور پر رواں سال سندھ بھر میں 18 ہزار 377 کیسز رپورٹ ہوئے تھے۔