کیا اُبلے ہوئے انڈے کھانے سے کولیسٹرول بڑھتا ہے؟

ویب ڈیسک

29th Oct, 2022. 03:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کیا اُبلے ہوئے انڈے کھانے سے کولیسٹرول بڑھتا ہے؟

ناشتے میں انڈے کھانا تو تقریباً سبھی کو پسند ہوتا ہے اور یہ پروٹین کا بھرپور ذریعہ ہیں۔

ڈاکٹرز اکثر ناشتے میں ابلے ہوئے انڈے کھانے کا مشورہ دیتے ہیں لیکن کیا جن لوگوں کا کولیسٹرول لیول پہلے ہی زیادہ ہے وہ کھا سکتے ہیں یا نہیں؟

حال ہی میں کی گئی ایک تحقیق سے یہ بات سامنے آئی ہے کہ انڈوں میں اچھا کولیسٹرول ہوتا ہے جو کہ ہماری صحت کے لیے فائدہ مند ہے۔

ایسا کولیسٹرول ہمارے جسم میں صحت مند خلیے بناتا ہے۔ اس میں سیچوریٹڈ یا ٹرانس فیٹ نہیں ہوتا۔ اس لیے ایل ڈی ایل یعنی برے کولیسٹرول کی مقدار نہیں بڑھتی۔

لیکن اگر آپ اس کو زیادہ تیل یا مکھن میں پکانے کے بعد کھائیں گے تو فائدے کے بجائے نقصان اٹھانا پڑے گا۔

اب یہاں سوال یہ ہے کہ ایک دن میں کتنے انڈے کھانے چاہئیں؟

اس سوال کا جواب یہ ہے کہ چونکہ انڈے کھانے سے اچھے کولیسٹرول میں اضافہ ہوتا ہے۔ یہ ہمیں ہائی بلڈ پریشر اور دل کی بیماریوں سے بھی بچاتا ہے۔

ایک دن میں 2 ابلے ہوئے انڈے کھا سکتے ہیں لیکن اگر آپ اس سے زیادہ کھانا چاہتے ہیں تو ایک بار ڈاکٹر سے ضرور رجوع کریں۔