تحریک انصاف کے لانگ مارچ میں کراچی سے قافلوں کی روانگی شروع ہوگئی ہے۔

تفصیلات کے مطابق انصاف ہاؤس کراچی میں کارکنان و شہریوں کی آمد جاری ہے، کارکنان سفر کے لئے بیگ لئے انصاف ہاؤس پہنچ رہے ہیں۔

انصاف ہاؤس میں پانی کی بوتلوں کا اسٹاک بھی پہنچا دیا گیا ہے، بزرگ، خواتین اور نوجوانوں کی بڑی تعداد انصاف ہاؤس میں موجود ہے۔

خیال رہے کہ تحریک انصاف کراچی کے صدر بلال غفار کی سربراہی میں قافلہ ٹول پلازہ کے لئے روانہ ہوگا۔

حقیقی آزادی مارچ کا چوتھا روز، قافلہ آج کپتان کیساتھ گجرانوالہ جائے گا

علاوہ ازیں حقیقی آزادی مارچ اپنے چوتھے روز میں داخل ہوچکا ہے جس  کا آغاز کامونکی سے ہوگا اور کپتان کی قیادت میں گجرانوالہ جائے گا۔

 پاکستان تحریک انصاف کے حقیقی آزادی مارچ کے چوتھے دن کا آغاز کامونکی سے ہوگا  جو کہ چئیرمن تحریک انصاف عمران خان کی قیادت میں حقیقی آزادی کا مارچ دوپہر 12 بجے کے بعد شروع ہوگا۔

کامونکی میں عمران خاں حقیقی آزادی مارچ کے شرکاء سے خطاب کریں گے جبکہ عوام کی جانب سے جگہ جگہ والہانہ استقبال کیا جائے گا ۔

کامونکی سے حقیقی آزادی مارچ کا قافلہ موڑ ایمن آباد پہنچے گا جبکہ ایمن آباد سے لانگ مارچ چن دا قلعہ پہنچے گا اور چن دا قلعہ سے حقیقی آزادی مارچ سپر ایشاءاسٹاپ پہنچے گا۔

حقیقی آزادی مارچ شیرانوالہ باغ پہنچے گا اور شیرانوالہ باغ سے لانگ مارچ کا قافلہ گوندلانوالہ چوک پہنچے گا ۔

حقیقی آزادی مارچ کا قافلہ پنڈی بائی پاس سے ہوتا ہوا چوتھے روز کی آخری منزل گوجرانوالہ میں رات قیام کرے گا جہاں چئیرمن تحریک انصاف عمران خان  ولولہ انگیز خطاب کریں گے جبکہ عمران خان کی جانب سے گوجرانوالہ میں اہم اعلان بھی متوقع ہے۔

حقیقی آزادی مارچ

خیال رہے کہ حقیقی آزادی مارچ کے پانچویں روز کا آغاز کل صبح 11 بجے گوجرانولہ سے ہوگا ۔

دوسری جانب لانگ مارچ میں شرکت کے لئے تحریکِ انصاف سندھ کا قافلہ آج روانہ ہوگا جس کی قیادت  علی زیدی کریں گے۔

قافلے میں روانگی کے سب کو ٹول پلازہ پر جمع ہونے کی ہدایت کی گئی ہے جس میں قافلے میں اراکینِ قومی اور صوبائی اسمبلی، خواتین اور کارکنان کی بڑی تعداد شامل ہو گی۔

سندھ سے روانہ ہونے والا حقیقی آزادی لانگ مارچ کا قافلہ کراچی سے حیدر آباد، براستہ نواب شاہ اور سکھر سے راوپنڈی پہنچے گا۔