جب قسمت ہو جائے مہربان تو کیا ہی بات، ایسے ہی قسمت ایک امریکی فیملی پر مہربان ہو گئی۔

امریکی خاندان کے تین افراد ایک ہی لاٹری ڈرا سے 41 لاکھ جیت گئے۔

غیر ملکی خبر رساں ادارے کےمطابق میری لینڈ کے ایک خاندان کے تین افراد نے لاٹری خریدی اور تینوں ہی لوگ جیت گئے۔

 تاہم لاٹری سے حاصل ہونے والی رقم $50,000 جو تقریباً 41 لاکھ بنتی ہے۔

یہ حقیقت ہے کہ لاٹری گیمز سراسر قسمت پر مبنی ہیں  جس کی قسمت اچھی جیت اُس ہی کی پکی ہوتی۔

61 سالہ شخص نے 13 اکتوبر کو ہیمپسٹڈ میں ایک ڈالر (82 روپے) کا لاٹری کا ٹکٹ خریدا، اس کے فوراً بعد، اس کی 28 سالہ بیٹی اور 31 سالہ بیٹے نے بھی لاٹری ٹکٹ خریدے اورتینوں ہی جیت گئے۔

 لیکن ان میں سے کسی کو بھی اندازہ نہیں تھا کہ یہ لاٹری کے ٹکٹ ان سب لوگوں کے لیے اتنے اچھےثابت ہوگے۔

 تینوں ٹکٹوں کے نمبر 5-3-8-3-4 13 تھے۔ میری لینڈ لاٹری حکام نے بتایا کہ ان میں سے ایک اپنا گھر خریدنے کا ارادہ رکھتا ہے جبکہ دو سرمایہ کاری کریں گے۔

اس سے قبل امریکی ریاست فلوریڈا کے 20 سالہ نوجوان نے 45 کروڑ دس لاکھ امریکی ڈالر کی لاٹری جیتی تھی۔

شین مسلر امریکہ کی لاٹری کی تاریخ میں چوتھی سب سے بڑی رقم جیتنے والے شخص ہیں۔

انھوں نے ایک لمبے عرصے میں پوری رقم کی جگہ ایک ہی وقت میں 28 کروڑ 20 لاکھ ڈالر کی رقم کا انتخاب کیا۔

ایک بیان کے مطابق شین مسلر نے بتایا تھا کہ میگا ملینز ڈرا کی شب ان کا دل کہہ رہا تھا کہ وہ جیت سکتے ہیں۔

شین مسلر نے کہا تھا کہ جیت کی اس رقم سے وہ بہت کچھ کرنا چاہتے ہیں۔

واضح رہے کہ شین مسلر نے مزید کہا تھا کہ میں ابھی صرف 20 سال کا ہوں اور مجھے امید ہے کہ اس سے میں اپنی بہت سی خواہشات پوری کر سکوں گا، اپنے گھر کی مدد اور انسانیت کے لیے بھلائی کر سکوں گا۔‘