غیر ملکی خبروں کے مطابق روسی میزائلوں نے آج صبح کیف، کھارکیو اور یوکرائن کے دیگر شہروں میں اہم انفراسٹرکچر کو نشانہ بنایا۔
تفصیلات کے مطابق حکام کا کہنا ہے کہ حملوں کی وجہ سے بجلی اور پانی کی بندش ہے، جبکہ حملے کے بعد مختلف عمارتوں سے دھواں اٹھ رہا ہے۔
روس کی جانب سے معاہدے سے حالیہ دستبرداری کے باوجود بحیرہ اسود کے اناج کے معاہدے کے تحت بحری جہاز یوکرین کی بندرگاہوں سے نکل رہے ہیں۔
دوسری جانب روس نے سیواستوپول کے قریب اپنے بحیرہ اسود کے بحری بیڑے پر یوکرین کے مبینہ حملے پر پیر کو اقوام متحدہ کی سلامتی کونسل کا اجلاس طلب کیا ہے۔
روس کی وزارت دفاع نے کہا ہے کہ روسی افواج نے پیر کی صبح یوکرین میں فوجی اور توانائی کے بنیادی ڈھانچے کے اہداف کو اعلیٰ درستگی کے حملوں کے ساتھ نشانہ بنایا۔
Advertisement
روسی وزارت دفاع نے ایک بیان میں کہا کہ روسی فیڈریشن کی مسلح افواج نے یوکرین کے فوجی کنٹرول اور توانائی کے نظام پر اعلیٰ درستگی کے حامل طویل فاصلے تک فضائی اور سمندری ہتھیاروں سے حملے جاری رکھے ہوئے ہیں۔
روسی وزارت دفاع کا کہنا تھا کہ حملوں کے اہداف حاصل کر لیے گئے ہیں اور تمام تفویض کردہ اہداف کو بے اثر کر دیا گیا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
