پاکستان شوبز انڈسٹری کے مشہور اداکار شہروز سبزواری نے کہا ہے کہ مستقبل میں اہلیہ صدف کنول کو اپنی بیٹی زہرا کو سائرہ کے گھر بھیجنے میں کوئی مسئلہ نہیں ہوگا۔

حال ہی میں شہروز سبزواری نے اپنی اہلیہ صدف کنول کے ہمراہ ایک شو میں شرکت کی جس میں ان کا کہنا تھا کہ ہمارے ساتھ کمال چیز یہ ہوئی کہ نوریح کے دل میں اللہ نے زہرا کے لیے جو محبت ڈالی، دونوں فیملیز تیار تھیں کہ بچے کی پیدائش پر نوریح کسی بھی طرح کا ردعمل دے سکتی ہے۔

انہوں نے کہا کہ جس وقت صدف امید سے تھیں تب ہی نوریح نے کہنا شروع کردیا تھا کہ میری بہن کب آرہی ہے جبکہ ہمیں نہیں پتا تھا کہ بیٹا ہوگا یا بیٹی لیکن نوریح کہہ رہی تھی کہ میری بہن آئے گی، ہم نے کہا اللہ نے اس کی سننی ہے اور اب بیٹی آئے گی۔

ان کا کہنا تھا کہ نوریح زہرا کو لے کر اتنی حساس ہے کہ اگر میں بھی غلط گود میں اٹھاؤں تو اس کو پریشانی شروع ہوجاتی ہے۔

اداکار شہروز سبزواری نے کہا کہ ہماری یہ ہی سوچ ہے کہ بچوں پر منفی چیزوں سے دور رکھا جائے، اگر مستقبل میں نوریح زہرا کو اس گھر بلاتی ہے تو صدف کو بھیجنے میں کوئی مسئلہ نہیں ہوگا، ہم اسے کچھ دن میں وہاں بھیجنا شروع کردیں گے۔

واضح رہے کہ مئی 2020 میں شہروز نے ماڈل صدف کنول سے شادی کی تھی، جوڑے کے ہاں اگست میں بیٹی ‘زہرا’ کی پیدائش ہوئی ہے۔