حافظ آباد: پاکستان تحریکِ انصاف (پی ٹی آئی) کے چیئرمین عمران خان کو دھمکیاں دینے کے الزام پر ن لیگ کے سابق وائس چیئرمین حافظ آباد رائے قمر زمان کو گرفتار کر لیا گیا۔

تفصیلات کے مطابق مسلم لیگ ن کے رہنما رائے قمر الزمان کھرل کی کنونشن میں سرعام عمران خان کو قتل کرنے کی دھمکیاں دینے پر مقامی پولیس نے ملزم کو گرفتار کرلیا۔

عمران خان کو قتل کی دھمکی، پولیس نے رائے قمر کو گرفتار کرلیا
مکمل ویڈیو دیکھیں : https://t.co/U1uaRuOXKB#RayQamarArrested pic.twitter.com/FaG8rzCPfp

— BOL Network (@BOLNETWORK) November 5, 2022

ذرائع کے مطابق ڈی پی او حافظ آباد نے اس معاملے کا نوٹس لیکر دہشتگردی ایکٹ کی دفعات کے تحت مقدمہ درج کرنے کا حکم دیا۔

مقدمہ پی ٹی آئی کے ضلعی چیئرمین عمران عباس بھٹی کی درخواست پر درج کیا گیا جبکہ مقدمے میں دہشت گردی ایکٹ کی دفعات درج ہیں۔

ملزم کا ٹرائل دہشت گردی کورٹ میں ہوگا جبکہ مقدمے میں وزیراعظم شہباز شریف کے مشیر عطا تارڑ اور  مسلم لیگ ن کی سابق وفاقی وزیر صحت سائرہ افضل تارڑ نامزد ہیں۔

علاوہ ازیں مسلم لیگ ن ضلعی چیئرمین میاں بخش تارڑ کو بھی ملزم ٹھہرایا گیا ہے۔

اس حوالے سے مشیر وزیراعلیٰ پنجاب اظہر مشوانی نے اپنے ٹوئٹ میں بتایا کہ عمران خان کو گولی مارنے کی دھمکی دینے والے ن لیگ کے ضلعی وائس چئیرمین رائے قمر کو گرفتار کرلیا گیا ہے۔

PMLN’s District Vice President Rai Qamar arrested by Hafizabad Police

He threatened to shoot Imran Khan in a Jalsa today where Atta Tarar, Saira Afzal Tarar and Saad Rafique were present pic.twitter.com/tjjX5LKc2A

— Azhar Mashwani (@MashwaniAzhar) November 5, 2022

مشیر وزیراعلیٰ پنجاب نے مزید کہا کہ حافظ آباد پولیس نے مفروری کی کوشش کرتے ہوتے ہوئے گرفتار کیا۔

ن لیگی رہنما رائے قمر کی عمران خان کو گولی مارنے کی دھمکی