ڈاکٹر فردوس عاشق اعوان نے کہا ہے کہ مریم اورنگزیب صاحبہ لٹیروں کو وزیراعظم عمران خان اپنی سیاسی موت کا فرشتہ دکھائی دیتے ہیں۔

وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان کا ترجمان مسلم لیگ ن مریم اورنگزیب  کے بیان پر ردعمل ظاہر کرتے ہوئے ٹویٹ کیا ہے۔

انہوں نے کہا ہے کہ قوم کو وہ وقت نہیں بھولا جب فیصل آباد میں پاورلومز اور عام مزدوروں نے لٹیرا لیگ کو کارخانوں اور فیکٹریوں کی چابیاں دی تھیں۔

ملکی اثاثے گروی رکھ کر ملک کو مقروض کرنے والے آج قوم کے ہمدرد بنے کوشش کررہے ہیں۔رہزن کبھی رہبر نہیں بن سکتے۔وہ مفرور جس کی منفی معاشی پالیسیوں سے ملک کی اقتصادی صورتحال تباہی کے دھانے پر پہنچی اسے ہیرو بنانا عوام کے زخموں پر نمک چھڑکنے کے مترادف ہے۔

Advertisement

— Dr. Firdous Ashiq Awan (@Dr_FirdousPTI) February 3, 2020

انکا کہنا تھا کہ زعفرانی ہانڈی کھانے والے مغل بادشاہ کے دور میں ایک ہی گھرانہ ترقی کر رہا تھا جبکہ مرغی، انڈے کے ریٹ بھی گھر میں ہی بنتے تھے۔

وزیراعظم کی معاون خصوصی برائے اطلاعات و نشریات نے اپنے بیان میں کہا ہے کہ اسحاق ڈار کی باتیں غریبوں کو نہیں بھولیں جو کمر توڑ مہنگائی اور دالیں سبزیاں مہنگی ہونے پر لوگوں کو مرغی کھانے کے مشورے دیتے تھے۔

انہوں نے بتایا کہ ملکی اثاثے گروی رکھ کر ملک کو مقروض کرنے والے آج قوم کے ہمدرد بنے کوشش کررہے ہیں کیونکہ رہزن کبھی رہبر نہیں بن سکتے۔

خوشحال ، مستحکم اور ترقی یافتہ پاکستان پی ٹی آئی حکومت کا وژن ہے، فردوس عاشق اعوان

مریم اورنگزیب کو تنقید کا نشانہ بناتے ہوئے انہوں نے کہا کہ مریم اورنگزیب صاحبہ لٹیروں کو وزیراعظم عمران خان اپنی سیاسی موت کا فرشتہ دکھائی دیتے ہیں۔ قوم کو وہ وقت نہیں بھولا جب فیصل آباد میں پاورلومز اور عام مزدوروں نے لٹیرا لیگ کو کارخانوں اور فیکٹریوں کی چابیاں دی تھیں۔

انکا مزید کہنا تھا کہ وہ مفرور جس کی منفی معاشی پالیسیوں سے ملک کی اقتصادی صورتحال تباہی کے دھانے پر پہنچی اسے ہیرو بنانا عوام کے زخموں پر نمک چھڑکنے کے مترادف ہے۔

واضح رہے کہ اس سے قبل مسلم لیگ ن کی ترجمان مریم اورنگزیب نے کہا تھا کہ عمران صاحب اسحاق ڈار نے ترقی کی شرح 5.8 فیصد کی، جسے آپ نے تباہ کردیا۔

انہوں نے کہا کہ آپ کے ستائے ہوئے عوام نے فیکٹریوں اور صنعتوں کو تالے لگا کر چابیاں نالائقوں کے حوالے کردی ہیں لیکن جھوٹے افسانے اور سبزباغ دکھا کر عوام کو دھوکہ دینے والوں کو معاشی حقیقتوں نے بے نقاب کردیا ہے۔

عمران صاحب @ImranKhanPTI کو حوریں اور عوام کو موت کے فرشتے نظرآرہے ہیں

Advertisement

آپ کے ستائے ہوئے عوام نے فیکٹریوں اور صنعتوں کو تالے لگا کر چابیاں نالائقوں کے حوالے کردی ہیں

جھوٹے افسانے اور سبزباغ دکھا کر عوام کو دھوکہ دینے والوں کو معاشی حقیقتوں نے بے نقاب کردیا ہے

— Marriyum Aurangzeb (@Marriyum_A) February 3, 2020

مریم اورنگزیب کا کہنا تھا کہ نوازشریف کی قیادت میں مسلم لیگ ن نے بدترین حالات میں بہترین کارکردگی دکھائی جبکہ عمران صاحب آپ نے بہترین حالات میں بدترین کارکردگی اور کرپشن سے ہر کامیابی کو ناکامی میں بدل دیا۔