معروف بھارتی اداکار کو نایاب بیماری لاحق؛ مداح پریشان

ویب ڈیسک

07th Nov, 2022. 04:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

معروف بھارتی اداکار کو نایاب بیماری لاحق؛ مداح پریشان

معروف بھارتی اداکار ورون دھون ایک نایاب بیماری کا شکار ہوگئے۔

بھارتی میڈیا کے مطابق ورون دھون نے انکشاف کیا ہے کہ انہیں ویسٹیبلر ہائپو فنکشن نامی بیماری لاحق ہے۔

اداکار نے بتایا کہ کس طرح ان کی صحت اس وقت بگڑ گئی جب انہوں نے عالمی وباء کورونا وائرس کے بعد اور جگ جگ جیو کی پروڈکشن کے دوران بہت زیادہ محنت کی۔

ورون دھون اس بیماری کے بعد اپنے کاموں کے دوران وقفہ لیتے رہے، اور انہیں اداکاری کو روکنا پڑا۔

واضح رہے کہ ویسٹیبلر ہائپو فنکشن نامی بیماری دماغ کے توازن سے متعلق ہے، یہ ایک مرکزی ویسٹیبلر نظام ہے، جو کسی ایک یا دونوں کانوں کو جزوی طور پر یا مکمل طور پر غیر فعال کر دیتا ہے، اس کی وجوہات جینیات، زہر، وائرل انفکشن یا تکلیف دہ دھواں ہو سکتی ہیں۔

یہ سر کے صرف ایک طرف (یکطرفہ ہائپو فنکشن) یا دونوں اطراف کو متاثر کر سکتا ہے، یہ روزمرہ کی زندگی اور کام کاج کو متاثر کرتا ہے، جب اندرونی کان کا ایک حصہ غیر فعال ہوتا ہے، تو دماغ کو غلط پیغامات بھیجے جاتے ہیں۔

اس بیماری کی وجہ سے مریض کو حرکت کرتے ہوئے اچانک گرنے کا خدشہ ہوتا ہے جبکہ یادداشت اور راستہ تلاش کرنے کی صلاحیت متاثر ہوتی ہے۔