پسپائی یا حکمت عملی، یوکرین کے شہر سے روسی فوج کی انخلاء کا حکم

ویب ڈیسک

09th Nov, 2022. 08:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پسپائی یا حکمت عملی، یوکرین کے شہر سے روسی فوج کی انخلاء کا حکم

ایک بین الاقوامی خبر رساں ادارے نے رپورٹ دی ہے کہ روس نے یوکرین کے شہر خرسین سے اپنی فوج کو انخلاء کا حکم دے دیا ہے۔

تفصیلات کے مطابق یوکرین کا شہر خرسین روسی فوج کے حملے کے بعد سے روس کے قبضے میں تھا، جسے کریملن کے حکم پر خالی کرنے کا حکم دیا گیا ہے۔

یوکرین کی طرف سے فوری طور پر اس خبر کے حوالے سے کوئی تبصرہ نہیں کیا گیا، لیکن اعلان نے مہینوں سے جاری جنگ میں روس کی بڑی پسپائی کا اشارہ دیا۔

روس نے اپنی افواج کو یوکرین کے شہر خرسین سے انخلاء کا حکم دیا ہے، واضح رہے کہ یہ واحد علاقائی دارالحکومت ہے جسے روسی فوج نے فروری کے آخر میں یوکرین پر حملہ کرنے کے بعد سے قبضہ میں لیا تھا۔

سرکاری میڈیا نے بدھ کے روز اطلاع دی ہے کہ روسی وزیر دفاع سرگئی شوئیگو نے خرسین کے قریب یوکرین کے حملوں کے پیش نظر اپنی فوج کو دریائے ڈینیپر کے مغربی کنارے سے پیچھے ہٹنے کا حکم دیا ہے۔

اس اعلان نے جنگ میں روس کے لیے ایک بڑی پسپائی شمار کیا جا رہا ہے، جو اب اپنے نویں مہینے کے اختتام کے قریب ہے۔