برلن میں برطانوی سفارت خانے میں کام کے دوران ایک سیکیورٹی گارڈ نے روس کے لیے جاسوسی کا اعتراف کیا ہے۔

برطانوی خبر رساں ادارے کی ایک رپورٹ کے مطابق استغاثہ نے الزام لگایا کہ 58 سالہ سیکیوریٹی گارڈ ڈیوڈ اسمتھ برطانیہ اور سفارت خانے کو نقصان پہنچانا چاہتا تھا جہاں اس نے آٹھ سال کام کیا تھا۔

سیکیوریٹی گارڈ ڈیوڈ اسمتھ پر برلن میں برطانوی سفارتخانے کے بارے میں انٹیلی جنس معلومات اکٹھی کرنے اور خفیہ دستاویزات لیک کرنے کا الزام تھا۔

برطانوی میڈیا کے مطابق ڈیوڈ اسمتھ نے اولڈ بیلی میں آفیشل سیکرٹ ایکٹ کے تحت آٹھ الزامات کا اعتراف کیا۔

کہا جاتا ہے کہ وہ مئی 2020  سے روس یا یوکرین میں رہنا چاہتا تھا۔

استغاثہ کا کہنا تھا کہ وہ اپنے ملک کے لیے شدید نفرت کا شکار تھا اور ایل جی بی ٹی کمیونٹی کی حمایت میں رینبو جھنڈا لہرانے سے ناراض تھا۔

سیکیوریٹی گارڈ ڈیوڈ اسمتھ کو اگست 2021 میں گرفتار کیا گیا تھا اور پوٹسڈیم، جرمنی میں اس کے گھر سے 800 یورو نقدی ملی تھی۔

سیکیوریٹی گارڈ ڈیوڈ اسمتھ نے 4 نومبر کو الزامات کا اعتراف کیا، لیکن ابتدائی طور پر رپورٹنگ پر پابندیاں عائد کر دی گئیں۔

ڈیوڈ اسمتھ کو جمعہ کو اس وقت گرفتار کیا گیا جب استغاثہ نے اشارہ کیا کہ وہ نویں الزام پر مقدمہ نہیں چلائے گا جس سے اس نے انکار کیا تھا۔

اسمتھ کو بعد کی تاریخ میں سزا سنائی جائے گی اور اسے زیادہ سے زیادہ 14 سال قید کا سامنا کرنا پڑے گا۔